[᭑᭐ 10B]
᭑᭐
ᬳ᭄ᬫᬶᬡᬕᬃᬓ᭄ᬓᬭᬲᬶᬭ᭞ᬬᬦ᭄ᬫᬗ᭄ᬓᬦᬵ᭞ᬳᬋᬧ᭄ᬫᬢ᭄ᬫᬸᬓᬭᬰ᭄ᬫᬶᬦ᭄᭞ᬫ᭄ᬭᬶᬂᬗ᭄ᬯᬂᬗᬸᬫ᭄ᬩᬂᬲᬫᭀᬤ᭄ᬭ᭛᭐᭛ᬢᬦ᭄ᬯᬶᬲᬬᬵᬫᬦᬶᬭᬗ᭄ᬮᬬᬫᬦᬶᬭᬗ᭄ᬮᬬᬭᬶᬂᬢᬲᬶᬓ᭄᭞ᬧᬭᬦ᭄ᬧᭀ
ᬮᬄᬳᬶᬗ᭄ᬯᬂ᭞ᬓᬶᬢᬫᬶᬡᬚ᭄ᬭᭀᬦᬶᬂᬯᬭᬶᬄ᭞ᬫᬦᬶᬭᬳᬦᬾᬂᬤᬭᬢᬦ᭄᭚ᬫᬶᬡᬖᭀᬭᬳᬸᬫᬢᬸᬭᬶᬂᬲᬂᬫᬭᬸᬢᬶ᭞ᬲᬶᬗ᭄ᬕᬶᬄᬲᬸᬲᬸᬳᬸᬦᬦ᭄᭞ᬳᬬ᭄ᬯᬫᬳᬾᬯᭂᬄᬭᬶᬗᬢᬶ
᭞ᬬᬦ᭄ᬯᬸᬲ᭄ᬓᬦ᭄ᬢᭂᬦ᭄ᬳ᭄ᬬᬂᬦ᭄ᬳᬦ᭄ᬤᬶᬓᬵ᭚ᬜᭀᬦᬦ᭄ᬫᬢᬦ᭄ᬓᬳᬸᬮᬢᬸᬲ᭄ᬤᬺᬱ᭄ᬡᬾᬂᬕᬮᬶᬄ᭞ᬳᬫᬶᬢ᭄ᬳᬫ᭄ᬓᬤᬾᬯ᭞ᬲᬓᭂᬥᬧ᭄ᬳᬫᬮᬶᬄᬯᬃᬡ᭄ᬦᬶ᭞ᬫᬸᬱ᭄ᬡᬫᬶᬡᬢᬦ᭄ᬓᬢᭀᬦ᭚ᬢᬦ᭄ᬳᬮᬫ
ᬦᬸᬮᬶᬓᬢᭀᬦ᭄ᬯᭀᬂᬧ᭄ᬭᬯᬾᬲ᭄ᬢ᭄ᬭᬶ᭞ᬯᬸᬲ᭄ᬫᬗ᭄ᬓ᭄ᬯᬂᬤᬭᬢᬦ᭄᭞ᬯᬃᬡ᭄ᬦᬦᬾᬳᬬᬸᬮᬶᬦᬸᬯᬶᬄ᭞ᬮᬸᬫᬫ᭄ᬧᬄᬳᬜ᭄ᬚᬮᬦ᭄ᬢᬭ᭚ᬬᬦ᭄ᬯᬶᬦᬂᬯᬂᬓᬤᬶᬢᬦ᭄ᬧᬦᬫ᭄ᬧᬓ᭄ᬱᬶᬱᬶ᭞ᬫᬜ᭄ᬚᬃ
[᭑᭑ 11A]
᭑᭑
ᬘᬄᬬᬦᬶᬭ᭞ᬲᭀᬃᬢᬾᬚᬦᬶᬲᬂᬳ᭄ᬬᬂᬰᬰᬶᬄ᭞ᬯᬥᬦᬳᬗ᭄ᬕᬶᬮᬂᬕᬶᬮᬂ᭚ᬲᬶᬭᬢ᭄ᬫᬬᬵᬳᬮᬸᬗᬶᬦ᭄ᬳᬩᬸᬤᬸᬓ᭄ᬳᬢᬶ᭞ᬲᬶᬂᬧᭀᬮᬄᬲᬸᬂᬩ᭄ᬭᬗ᭄ᬳ᭞ᬮᬶᬭᬶᬗᬾᬮᬸᬭᬸᬳᬫᬦᬶᬲ᭄᭞
ᬭᭀᬫᬯᬶᬮᬶᬲ᭄ᬳᬫᭂᬓ᭄ᬫᭂᬓᬵ᭚ᬧᬫᬸᬮᬸᬦᬾᬯ᭄ᬦᭂᬲ᭄ᬓᬤᬶᬫᬵᬲ᭄ᬲᬶᬦᬗ᭄ᬮᬶᬂ᭞ᬫᬵᬥ᭄ᬬᬭᭀᬲ᭄ᬗᬮᬸᬗ᭄ᬕᬂ᭞ᬕ᭄ᬭᬡᬳᬦᬳᬦ᭄ᬬᬸᬳᬓᭂᬦ᭄ᬳᬢᬶ᭞ᬯᬗ᭄ᬮᬸᬓ᭄ᬦᬶᬓᬡ᭄ᬝᬮ᭄ᬯᬶᬃᬚᬗ᭄ᬕ᭚ᬗ᭄ᬮᬶᬄᬓᬗᬶᬦᬦ᭄ᬚ
ᬭᬶᬚᬶᬮᬸᬭᬸᬲ᭄ᬗᬾᬤᬦᬶᬦ᭄᭞ᬏᬭᬂᬢᬭᬯᬵᬃᬱ᭞ᬦᬓᬳᬧᬜ᭄ᬚᬂᬳᬳ᭄ᬦᬶᬂ᭞ᬓᬂᬯᬚᬳᬗ᭄ᬮᬭᬶᬂᬓᬸᬫ᭄ᬩᬂ᭚ᬗᬧᬶᬢ᭄ᬓᭂᬦ᭄ᬳᬶᬓᬂᬧ᭄ᬝᬓ᭄ᬓᬤᬶᬫᬡᬶᬓ᭄᭞ᬦᬾᬲᭂᬫ᭄ᬗ᭄ᬕᬸᬮᬤ᭄ᬭᬯ᭞ᬮ᭄ᬲᭂᬂᬗᬶ
ᬮᬤᬶᬳᬩᬗ᭄ᬓᬶᬢ᭄᭞ᬲᬧ᭄ᬭᬧ᭄ᬢᬵᬦᬮᬸᬗ᭄ᬕ᭄ᬯᬶᬗᬃᬱᬵ᭚ᬩᬬᬸᬲᬸᬢᬳᬯᬲ᭄ᬤᬾᬦᬶᬭᬦᬶᬗ᭄ᬳᬮᬶᬦ᭄᭞ᬫ᭄ᬭᬶᬂᬓᬂᬯᬳᬸᬧ᭄ᬭᬧ᭄ᬢᬵ᭞ᬯᬃᬡ᭄ᬦᬦᬾᬮᬶᬲ᭄ᬢ᭄ᬯᬵᬬᬸᬍᬯᬶᬄ᭞ᬓᬯᭂᬗᬦ᭄ᬲᬂᬩᬬᬸᬲᬸᬢ᭚
Page:Bali-lontar-gaguritan-anuman-wetugangga-350ppi.pdf/11
Jump to navigation
Jump to search
This page has been proofread.
