[᭙᭗ 97 B]
᭙᭗
ᬧᬯ᭄ᬯᭀᬂᬗᬦ᭄᭞ᬫ᭄ᬬᬂᬧᬭᬳᭂᬫ᭄ᬩᬦ᭄ᬳᬸᬫᬶᬭᬶᬂ᭞ᬓᬂᬢᬶᬦᬶᬮᬃᬳᬦᬾᬂᬗᬃᬕ᭄ᬕ᭞ᬕᬸᬫᭂᬭᬸᬄᬲᬫᬶᬳᬦᬗᬶᬲ᭄᭛ᬬᬢᬓᬂᬲᬫᬶᬮᬸᬫᬓᬸ᭞ᬧᭀᬜ᭄ᬘᬯ᭄ᬮᬲ᭄ᬳᬦ᭄ᬦᬾᬂᬫᬃᬕ᭄ᬕᬶ᭞ᬦᬸᬮ᭄ᬬᬧ᭄ᬭᬧ᭄ᬢᬳᬶᬂᬫᬮᬯ᭞ᬳᭀᬋᬕ᭄ᬯᬤ᭄ᬬᬫ᭄ᬮᬯᬧᬢᬶ᭞ᬫᬸᬦᬸᬗ᭄ᬲᬂᬳᬶᬂᬭᬵᬚᬧᬸᬢ᭄ᬭ᭞ᬩᬸᬲᭂᬓ᭄ᬓᬦ᭄ᬥ
ᬲᬶᬄᬕᬸᬂᬗᬮᬶᬢ᭄᭛ᬲᬫᬦᬲᬂᬫᬳᬵᬧ᭄ᬭᬪᬸ᭞ᬳᬶᬓᬂᬳᬦᬹᬓ᭄ᬱ᭄ᬫᬾᬂᬓᬥᬮᬶ᭞ᬤᬾᬭᬾᬂᬧ᭄ᬭᬧ᭄ᬢᬯᬢ᭄ᬓᬸᬮᬶᬦ᭄ᬦᬦ᭄᭞ᬳᬘᬂᬓ᭄ᬭᬫᬵᬦᬾᬂᬯᬶᬬᬢᬶ᭞ᬢᬦ᭄ᬢᬭᬧ᭄ᬭᬧ᭄ᬢᬳᬦᬸᬮ᭄ᬬ᭞ᬳᬸᬫᬜ᭄ᬚᬶᬗᬶᬂᬭᬕᬫᬮᬶᬄ᭛ᬲᬧ᭄ᬭᬪᬸᬯᬯᬂᬳᬢᬸᬭᬸ᭞ᬧᬋᬂᬫᬢᬸᬃᬕᬃᬯ᭄ᬯᬓᬮᬶᬄ᭞ᬥᬸᬄᬪᬝᬵ᭠
ᬭᬓᬂᬫᭂᬗ᭄ᬓᬸᬭᬵᬢ᭄᭞ᬳᬦᬹᬓ᭄ᬱ᭄ᬫᬓᭀᬗ᭄ᬲᬶᬳᬮᬫᬶ᭞ᬓᬳᬸᬮᬾᬢᬂᬢᬶᬕᬂᬯᬃᬱ᭞ᬦᬸᬮ᭄ᬬᬕᬃᬯ᭄ᬯᬤᬾᬦ᭄ᬯᬃᬣᬦ᭄ᬦᬶ᭛ᬲᬸᬢᬦ᭄ᬦᬶᬭᬯᬸᬲ᭄ᬓᬫᬦ᭄ᬢᬸ᭞ᬤᬾᬧᬡ᭄ᬥᬶᬢᬾᬂᬗᬃᬘ᭄ᬘᬫᬦᬶᬓ᭄᭞ᬭᭀᬭᭀᬳᬦᬓ᭄ᬓᬾᬯᬦᭀᬤ᭄ᬬ᭞ᬲᬫ᭄ᬬᬵᬬᬸᬓᬂᬢᬸᬳᬦᬵᬫᬶ᭞ᬓᬸᬲᬸᬫᬰᬺᬗ᭄ᬕᬡᬋ
ᬢ᭄ᬦ᭞ᬓᬂᬗᬦᭀᬫ᭄ᬰᬺᬗ᭄ᬕᬡᬲᬭᬷ᭛ᬳᬗ᭄ᬮᬶᬂᬓᬸᬲᬸᬫᬚᬶᬦᬢᬸᬃ᭞ᬮᬦ᭄ᬰ᭄ᬭᬗ᭄ᬕᬡᬋᬢ᭄ᬦᬤᬾᬯᬷ᭞ᬤᬦᬹᬃᬯᬾᬦ᭄ᬥᬤᬯᬸᬧ᭄ᬮᬯᬦ᭄᭞ᬓᬂᬳᬦᬵᬫ᭄ᬰᬺᬗ᭄ᬕᬡᬲᬭᬷ᭞ᬫᭂᬗ᭄ᬓᭀᬯᬸᬲ᭄ᬧᬥᬧᬸᬧᬸᬢ᭄ᬭ᭞ᬫᬦ᭄ᬢᬸᬦ᭄ᬦᬶᬭᬓᬭᭀᬬᬬᬶ᭛ᬰᬺᬗ᭄ᬕᬡ᭄ᬦᬋᬢ᭄ᬦᬲᬸᬲᬸᬦᬸ᭞ᬓᬓᬸᬂᬲᬸᬯᬃᬡ᭄ᬦᬦ᭄ᬦᬾᬧᭂᬓᬶ
[᭙᭘ 98 A]
ᬓ᭄᭞ᬭᬦ᭄ᬩᬫ᭄ᬩᬂᬕᭀᬦ᭄ᬥᬓᬸᬲᬸᬫ᭞ᬰᬺᬗ᭄ᬕᬡᬲᬭᬷᬲᬶᬲᬶᬯᬶ᭞ᬯᬦᭀᬤ᭄ᬬᬳᬾᬦ᭄ᬥᬄᬳᬶᬂᬯᬃᬡ᭄ᬦ᭞ᬭᬦ᭄ᬤᬾᬯᬷᬲᬸᬢᬶᬓ᭄ᬱ᭄ᬡᬯᬢᬷ᭛᭜᭛ᬳᬶᬓᬶᬩᬾᬮ᭄ᬚᬯᬶᬳᬗ᭄ᬮᬶᬂᬥᬃᬫ᭄ᬫᬮᬦ᭄ᬢᬸᬃᬳᬗ᭄ᬮᬶᬂᬓᬸᬲᬸᬲ᭄ᬫ᭛᭜᭛ᬧᬸᬧᬸᬢ᭄ᬓᬲᬸᬭᬵᬢ᭄ᬭᬶᬂᬭᬳᬶᬦ᭞ᬭ᭞ᬧ᭞ᬤᬸᬓᬸᬢ᭄᭞ᬢᬗ᭄ᬕᬮ᭄ᬧᬶᬂ᭞᭑᭔᭞
ᬰᬰᬶᬄᬓᬧᬢ᭄᭞ᬇᬲ᭄ᬓ᭞᭑᭙᭑᭓᭞ᬳᭀᬮᬶᬄᬳᬶᬯᬬᬦ᭄ᬢᭂᬕᭂᬕ᭄ᬲᬓᬶᬂᬤᬾᬰᬩᬸᬕ᭄ᬩᬸᬕ᭄᭞ᬤᬸᬲᬸᬦ᭄ᬩᬜ᭄ᬚᬃᬢᭂᬗᬄᬳᬦ᭄᭞ᬩᬜ᭄ᬚᬃᬳᬤᬢ᭄ᬩᬜ᭄ᬘᬶᬗᬄ᭞ᬭᬸᬭᬸᬂᬓᬫ᭄ᬪᭀᬚ᭞ᬳᬸᬫᬄ᭞ᬦᭀᬫᭂᬃ᭞᭓᭞᭛᭜᭛
Page:Bali-lontar-gaguritan-anging-kusuma-250ppi.pdf/98
Jump to navigation
Jump to search
This page has been proofread.
