[᭖᭕ 65 B]
᭖᭕
ᬓᬲᬸᬫᭂᬃᬓ᭄ᬮᬶᬂ᭞ᬮᬶᬃᬭᬶᬦ᭄ᬥᬶᬯᬚ᭞ᬳᬾᬫᬦ᭄ᬳᬦᬾᬂᬭᬲᭂᬓ᭄ᬱᬶ᭛ᬭᬵᬚᬧᬸᬢ᭄ᬭᬤᬳᬢ᭄ᬢᬦ᭄ᬳᬃᬱᬢᬸᬫᬶᬗ᭄ᬳᬮ᭄᭞ᬫᬓ᭄ᬱᬶᬄᬫᭂᬋᬫ᭄ᬓᬧᬢᬶ᭞ᬘᬶᬧ᭄ᬢᬦ᭄ᬦᬶᬭᬩᭀᬩᬩ᭄᭞ᬮᬫᬸᬦ᭄ᬭᬹᬧᬳᬚᬦ᭄ᬫ᭞ᬘᬶᬦ᭄ᬦᬢᬸᬃᬯᬸᬲ᭄ᬢᬶᬕᬂᬭᬢ᭄ᬭᬶ᭞ᬲᬂᬭᬵᬳᬚᬧᬸᬢ᭄ᬭ᭞ᬤᬾᬭᬾᬂᬳᬃᬱᬦᬶᬗ᭄ᬕᬮ᭄ᬮᬶ᭛᭠
ᬤᬶᬢ᭄ᬬᬭᬶᬡ᭄ᬦᬶᬳᬮᭀᬦ᭄ᬤᬾᬦ᭄ᬦᬶᬭᬫᬦᬩ᭄ᬤ᭞ᬤᬸᬄᬩᬩᭀᬲᬂᬗᬧᭂᬓᬶᬓ᭄᭞ᬓᬸᬮᬢᬦ᭄ᬳᬜ᭄ᬚᬶᬬᬤ᭄᭞ᬬᬾᬦᬵᬳᬗ᭄ᬕᬾᬃᬤᬢᬦ᭄ᬳᬃᬱ᭞ᬦᬗ᭄ᬳᬶᬂᬢᬶᬗ᭄ᬳᬮ᭄ᬮᬦᬤᬶᬳᬶᬦ᭄᭞ᬮᬫᬸᬦ᭄ᬯᬸᬲ᭄ᬯᬶᬓᬦ᭄᭞ᬫᭀᬗ᭄ᬓᬢᬦ᭄ᬲᬃᬚ᭄ᬯᬾᬂᬕᬮᬶᬄ᭛ᬳᬶᬗ᭄ᬕᬶᬄᬦᬸᬦ᭄ᬢᭂᬦ᭄ᬓᭀᬦ᭄ᬤᬸᬃᬭᬫ᭄ᬭᬶᬂᬩᬭ
ᬢ᭄ᬫᬤ᭄ᬬ᭞ᬭᬵᬚᬧᬸᬢ᭄ᬭᬦᬯᬸᬃᬭᬶ᭞ᬢᬦ᭄ᬲᬸᬲᬄᬢᬸᬫᬶᬗ᭄ᬳᬮ᭄᭞ᬲᭂᬫ᭄ᬪᬯᬮᬮᬫᬸᬦ᭄ᬦᬦ᭞ᬲᬶᬗᬳᬦ᭄ᬦᬓ᭄ᬳᬦ᭄ᬦᬓ᭄ᬕᭂᬜ᭄ᬚᬶᬓ᭄᭞ᬲᬶᬭᬾᬓᬸᬤᬶᬢ᭄ᬬ᭞ᬬᭂᬓ᭄ᬢᬶᬫᬦ᭄ᬦᬓ᭄ᬋᬓ᭄ᬱᭂᬓ᭄ᬱᬶ᭛ᬳᬲᬶᬲᬶᬬᬸᬂᬯᬸᬦ᭄ᬢᬸᬦ᭄ᬦᬾᬗ᭄ᬭᬗᬧ᭄ᬳᬤᬯᬦ᭞ᬢᬦ᭄ᬪᬾᬤᬮᬯᬦ᭄ᬓᬶᬲᬶ᭞ᬳᬸᬮᬸᬦᬾᬳᬶᬂᬗᬯᬓ᭄᭞ᬳ
ᬫᬱ᭄ᬝᬶᬭᬾᬫ᭄ᬩ᭄ᬬᬓ᭄ᬭᬾᬫ᭄ᬩ᭄ᬬᬓ᭄᭞ᬬᬢᬋᬢ᭄ᬦᬧᬦ᭄ᬥᬫ᭄ᬲᬭᬷ᭞ᬓᬓᬸᬢ᭄ᬬᬲ᭄ᬲᬶᬭ᭞ᬫᬾᬭᬂᬢᬦ᭄ᬓᬧᬦᬦ᭄ᬲᬶᬄ᭛ᬫᬮᬭᬲᬦ᭄ᬫᬾᬦ᭄ᬢᬃᬭᬸᬦ᭄ᬢᬶᬓᬓᬾᬂᬗᬃᬱ᭞ᬲᬫᬦᬳᬦᬸᬚᭀᬦ᭄ᬦᬶ᭞ᬭᬶᬲᬂᬦᬃᬧᬵᬢ᭄ᬫᬚ᭞ᬢᬶᬗ᭄ᬳᬮ᭄ᬦ᭄ᬬᬋᬫ᭄ᬋᬫ᭄ᬳᬬᬫ᭄᭞ᬲᬓᭂᬥᬧ᭄ᬦᬾᬢ᭄ᬭᬳᬸᬫᬓ᭄ᬱᬶ᭞ᬓᬸᬫᭂᬜᬸ
[᭖᭖ 66 A]
ᬣ᭄ᬳᬶᬂᬢ᭄ᬬᬲ᭄᭞ᬘᬶᬧ᭄ᬢᬾᬲ᭄ᬢ᭄ᬯᬬᬸᬮᬶᬦᬸᬯᬶᬄ᭛ᬓᬤ᭄ᬬᬮᬚᬸᬫᬦ᭄ᬥᭂᬍᬂᬗᬓ᭄ᬱᬶᬦ᭄ᬦᬶᬭ᭞ᬲᬂᬯ᭄ᬯᬶᬫᬦ᭄ᬦᬭᬾᬂᬗᬢᬶ᭞ᬲᬸᬦ᭄ᬳᬶᬥᭂᬧ᭄ᬢᬦ᭄ᬦᬾᬦ᭄ᬥᬄ᭞ᬤᬾᬦᬾᬳᬦᬓ᭄ᬓᬶᬂᬩᬸᬢ᭞ᬫᬗ᭄ᬓᬦᬲᬂᬦᬃᬧᬲᬶᬯᬶ᭞ᬓᬭᬶᬓᬲ᭄ᬫᬭᬦ᭄᭞ᬓᬤᬸᬯᬸᬂᬤᬾᬦ᭄ᬦ᭄ᬬᬳᬗ᭄ᬮᬶᬂ᭛ᬤᬶᬢ᭄ᬬᬭᬶᬡ᭄ᬦᬶᬳᬗ᭄ᬕᬸᬕᬸᬓ᭄ᬯᬯᬂᬢᬲ᭛ᬮᬄᬳ
ᬗ᭄ᬕᬾᬃᬓᬤᬶᬧᬸᬦ᭄ᬥᬶ᭞ᬧᬸᬦᬧᬓᬤᬸᬕ᭞ᬭᬤᬾᬦ᭄ᬕᬭᬶᬲ᭄ᬢᬸᬃᬭᬶᬭ᭞ᬢᬦ᭄ᬓᬯᬰ᭄ᬳᬫᬗ᭄ᬲᬸᬮ᭄ᬮᬶ᭞ᬳᬶᬂᬲᬶᬄᬧᬤᬸᬓ᭞ᬲᬓ᭄ᬱᬢ᭄ᬳᬦᬸᬮᬸᬂᬳᬸᬭᬶᬧ᭄᭛ᬗ᭄ᬮᬶᬂᬲᬂᬤᬶᬢ᭄ᬬᬭᬶᬡ᭄ᬦᬶᬳᬗ᭄ᬕᬾᬃᬤᬶᬧᬸᬦ᭄ᬳᬾᬗ᭄ᬕᬮ᭄᭞ᬢᬸᬮᬸᬗᭂᬦ᭄ᬳᬶᬓᬂᬭᬸᬦ᭄ᬢᬶᬓ᭄᭞ᬫᬦᬯᬶᬓᬮᬭᬦ᭄᭞ᬭᬤᬾᬦ᭄ᬲᬦ᭄ᬤᬶᬓᬫᬾᬦ᭄ᬢᬃ᭞᭠
ᬫ᭄ᬭᬶᬂᬕᬸᬗ᭄ᬕ᭄ᬯᬦ᭄ᬓᬾᬦ᭄ᬧᬦ᭄ᬥᬫ᭄ᬲᬭᬷ᭞ᬓᬧᬗ᭄ᬕᬶᬄᬦᬾᬦ᭄ᬤ᭄ᬭ᭞ᬫᬸᬚᬸᬂᬓᬫ᭄ᬧᬸᬄᬲᬂᬤᬾᬯᬷ᭛ᬳᬗᬺᬋᬧᬤ᭄ᬬᬦ᭄ᬧᬸᬢ᭄ᬭᬯᬶᬚᬶᬮ᭄ᬮᬶᬂᬲᬩ᭄ᬤ᭞ᬤᬸᬄᬫᬵᬲ᭄ᬧᬸᬧᬸᬚᬦ᭄ᬫᬫᬶ᭞ᬯᬸᬗ᭄ᬲᬯᬲᬤᬾᬮ᭞ᬧᬸᬦ᭄ᬓᬓᬂᬳᬫᬶᬫᬶᬦ᭄ᬢ᭞ᬧᬗᬓ᭄ᬱᬫᬦ᭄ᬦᬶᬭᬕᬸᬲ᭄ᬢᬶ᭞ᬤᬾᬦᬾᬳᬓᬃᬬ᭄ᬬ᭞ᬭᬸᬦ᭄ᬢᬶᬓ᭄ᬳᬶᬭᬫᬵ᭠
ᬲ᭄ᬓ᭄ᬯᬭᬶ᭛ᬲᬸᬓᬳᬶᬗ᭄ᬲᬸᬦ᭄ᬢᬸᬓᬸᬫ᭄ᬫᭂᬜ᭄ᬚ᭄ᬭᭀᬦ᭄ᬦᬶᬂᬱᬫᬺᬫᬦ᭄᭞ᬤᬳᬢᬼᬗ᭄ᬕᬦ᭄ᬦᬾᬂᬓᬧ᭄ᬢᬶ᭞ᬦᬶᬫᬵᬲ᭄ᬳᬦ᭄ᬤᬶᬓᬳ᭞ᬲᬧᬸᬦ᭄ᬦᭂᬦ᭄ᬤᬲᬶᬄᬳᬶᬭ᭞ᬲᬸᬦ᭄ᬢᭂᬤᬢᬸᬮᬸᬲ᭄ᬧᬳᬲᬶᬄ᭞ᬬᬦ᭄ᬢᬦ᭄ᬢᬶᬦᬸᬮᬓ᭄᭞ᬳᬶᬂᬲᬶᬄᬗᭀᬂᬗ᭄ᬮᬮᬸᬮᬮᬶᬲ᭄᭛ᬓᬸᬲᬸᬫᬵᬬᬸᬓᬧ᭄ᬭᬡ᭄ᬦᬦ᭄ᬳᬶᬂᬢ᭄ᬬᬲ᭄ᬫᬶᬬᬃᬱᬤᬲᬃᬯᬸ
Page:Bali-lontar-gaguritan-anging-kusuma-250ppi.pdf/66
Jump to navigation
Jump to search
This page has been proofread.
