[᭓᭒ 32B]
᭓᭒
ᬭᬵᬤ᭄ᬬᬳᬬᬸᬧᬾᬮᬕ᭄᭞ᬫᬢᬸᬃᬤᬾᬯᬶᬫᬺᬢ᭄ᬢᬳᭂᬚᬶᬫ᭄᭞ᬓᬂᬓᬯᬸᬮᬵ᭞ᬳᬶᬗᬸᬢᬸᬲ᭄ᬚᭂᬧᬸᬢᬸᬳᬾᬬᬂ᭟᭐᭟ᬫᬺᬢ᭄ᬢᬯᬢᬶᬳᬫ᭄ᬩᬳᬾᬬᬂ᭞ᬓᬯᬸᬮᬵᬜᬯᬶᬢᬢᬾᬓᬶ᭞ᬳᬶᬧᬸᬢᬸᬳᬾᬬᬂᬭᬳᬤ᭄ᬬᬦ᭄᭞ᬓᬗᬭᬦ᭄ᬭ
ᬳᬤᬾᬦ᭄ᬰᬳᬶᬤ᭄᭞ᬫᬃᬫᬬᬵᬮᬶᬂᬦ᭄ᬬᬳᬭᬶᬲ᭄᭞ᬬᬦ᭄ᬫᬗ᭄ᬓᬦᬲᬶᬭᬧᬸᬢᬸ᭞ᬤᬾᬦ᭄ᬢᬸᬫᬸᬮᬲᬲᬶᬳᬶᬭ᭞ᬮᬸᬗ᭄ᬳᬵᬫᬭᬾᬂᬧᬸᬲᭂᬃᬪᬸᬫᬶ᭞ᬲᬸᬦ᭄ᬯᬢᬭ᭞ᬳᬦᬧᬓᬾᬯᬸᬳᬶᬂᬫᭂᬓᬄ᭟᭐᭟ᬧᬸᬢ᭄ᬭᬶᬳ᭄ᬚᬶᬫ᭄ᬫᬢᬸᬭᬦᭂᬫ᭄ᬩᬄ
ᬲᬶᬗ᭄ᬕᬶᬄᬢᬦ᭄ᬍᬗ᭄ᬕᬦᬾᬦᬵᬕ᭄ᬧ᭄ᬭᬧ᭄ᬢᬶ᭞ᬳᬦᭂᬥᬵᬳᬶᬗ᭄ᬲᬸᬦᬾᬬᬂ᭞ᬲᬂᬧᬸᬢ᭄ᬭᬶᬓᬭᭀᬗᬯ᭄ᬬᬢᬶ᭞ᬳᬦᬸᬚᬾᬦᬵᬕ᭄ᬧᬸᬲᭂᬃᬪᬸᬫᬶ᭞ᬳᭂᬦᭂᬗᬓᭂᬦᬯᬶᬦᬸᬯᬸᬲ᭄᭞ᬲᬶᬃᬳᬭᬳᬤᬾᬦ᭄ᬳᬶᬃᬫ᭄ᬫᬦ᭄᭞ᬓᬮᬯᬦ᭄ᬭᬢᬸᬩᬂᬩᬗ᭄ᬭᬶ᭞
ᬳᬶᬓᬂᬮᬸᬗ᭄ᬳᬵ᭞ᬳᬶᬗᬫ᭄ᬧ᭄ᬬᬦ᭄ᬳᬩ᭄ᬱᬶᬧ᭄ᬭᬚᬵ᭟᭐᭟ᬯᬸᬲ᭄ᬫᬜ᭄ᬚᬶᬂᬚ᭄ᬭᭀᬦᬶᬂᬦᬵᬕᬭ᭞ᬓᬯᬃᬡ᭄ᬦᬧ᭄ᬭᬪᬸᬅᬩ᭄ᬱᬶ᭞ᬢᬶᬦᬗ᭄ᬓᬶᬮ᭄ᬤᬾᬦᬶᬂᬧᬯᭀᬗᬦ᭄᭞ᬢᬦ᭄ᬧᬾᬦᬵᬤᬄᬬᬬᬓᬶᬂᬢᬸᬮᬶᬲ᭄᭞ᬲᬶᬭᬧᬫᬶ
[᭓᭓ 33A]
ᬳᬦᬗ᭄ᬓᬶᬮ᭄᭞ᬦᬫᬧᬢᬶᬄᬩᬜᬓ᭄ᬧᬭᬸᬂᬧᬢᬶᬄᬪᬓ᭄ᬢ᭄ᬬᬃᬓᬯᬃᬡ᭄ᬦ᭞ᬭᬸᬫᬸᬳᬸᬦ᭄ᬫᬜ᭄ᬚᬶᬂᬦᭂᬕᬭᬶ᭞ᬰ᭄ᬭᬶᬪᬸᬧᬢᬶ᭞ᬫᬸᬯᬂᬭᬚᬳᬶᬃᬫ᭄ᬫᬦ᭄ᬭᬶᬗᬸᬦ᭄ᬢᬢ᭄᭟᭐᭟ᬧᬸᬄᬧᬗ᭄ᬓᬸᬃ᭟᭐᭟ᬧᬢᬶᬄᬪᬓ᭄ᬢ᭄ᬬᬃᬲᬫ᭄ᬧᬸᬦ᭄ᬧ᭄ᬭᬧ᭄ᬢ
᭞ᬳᬶᬂᬫᬩᬸᬦ᭄ᬢᬸᬃᬳᬦᬘᬭᬓᬫᬶᬚᬶᬮ᭄᭞ᬧᬢᬶᬄᬪᬓ᭄ᬢ᭄ᬬᬃᬫᬗ᭄ᬓᬾ ᬫᬸᬯᬸᬲ᭄᭞ᬳᬾᬄᬲᬶᬭᬧᬦᬓᬯᬦ᭄᭞ᬳᬢᬸᬭᬦᬫᬭᬶᬂᬚᭂᬗᬶᬭᬲᬂᬧ᭄ᬭᬪᬹ᭞ᬳᬶᬗ᭄ᬲᬸᬦ᭄ᬳᬢᬸᬲᬦ᭄ᬲᬂᬦᬵᬣ᭞ᬳᬦᭂᬗ᭄ᬕᬶᬄᬲ
ᬓᬶᬂᬫᭂᬤᬬᬶᬦ᭄᭟᭐᭟ᬇᬓᬵᬗᬭᬦ᭄ᬭᬚᬳᬶᬃᬫ᭄ᬫᬦ᭄᭞ᬫ᭄ᬯᬂᬲᬂᬧ᭄ᬭᬪᬹᬜᬓ᭄ᬭᬯᬃᬢ᭄ᬢᬶᬩᬂᬩᬗ᭄ᬭᬶ᭞ᬘᬭᬓᬵᬕᭂᬮᬶᬲ᭄ᬫᬍᬩᬸ᭞ᬲᬓᬶᬂᬕᭂᬮᬶᬲᬶᬂᬘᬭᬶᬢᬵ᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬳᬶᬗᬬᬸᬦ᭄ᬢᬶᬦᬶᬢᬄᬲᬫ᭄ᬧᬸᬦ᭄᭞
ᬧᬦᬓᬯᬦᬶᬂᬦᬭᬾᬦ᭄ᬤ᭄ᬭ᭞ᬲᬂᬦᬵᬣᬤᬯᭂᬕᬮᬶᬗ᭄ᬕᬶᬄ᭟᭐᭟ᬭᬓ᭄ᬭ᭄ᬬᬦ᭄ᬧᬢᬶᬳᬶᬗᬢᬸᬭᬦ᭄᭞ᬯᬸᬲ᭄ᬫᬍᬩᬸᬳᬶᬗᬃᬱᬰ᭄ᬭᬶᬪᬹᬧᬢᬶ᭞ᬕᬶᬭᬶᬲ᭄ᬢ᭄ᬭ᭄ᬬᬲᬾᬧᬢᬶᬄᬦ᭄ᬤᬸᬮᬸ᭞ᬫ᭄ᬬᬢᬶᬂᬰ᭄ᬭᬶᬫᭀᬂᬫᬮᬾᬮ᭞
Page:Bali-lontar-gaguritan-amir-hamsyah-300ppi.pdf/33
Jump to navigation
Jump to search
This page has been proofread.
