[᭑᭒ 12B]
᭑᭒
ᬮ᭄᭞ᬯᬦᬶᬳᬢᭂᬫᬄᬧᬮᬢ᭄ᬭ᭞ᬳᬲ᭄ᬭᬸᬄᬗ᭄ᬭᬩᬸᬢ᭄᭞ᬰᬳᬶᬤ᭄ᬭᬶᬦᭂᬩᬸᬢ᭄ᬋᬩᬸᬢᬶᬦ᭄᭞ᬳᬦ᭄ᬧᬸᬢ᭄ᬭᬶᬳ᭄ᬚᬶᬫ᭄ᬳᬗ᭄ᬭᬩᬢ᭄᭟᭐᭟ᬧᬸᬄᬤᬸᬃᬫ᭄ᬫ᭟᭐᭟ᬦᬸᬮ᭄ᬬᬫᬫ᭄ᬩᬸᬃᬲᬂᬧᬸᬢ᭄ᬭᬶᬳ᭄ᬚᬶᬫ᭄ᬓᬭᭀᬳᬶᬘ᭞ᬮᬦ᭄ᬤᬾᬯᬶᬍᬗ᭄ᬓᬲᬭᬶ᭞ᬬᬦ᭄ᬭᬚᬂ
ᬫᬍᬲᬢ᭄᭞ᬢᬶᬦᬸᬢᬸᬕᬶᬂᬳ᭄ᬚᬶᬫᬶᬓ᭞ᬧᬓ᭄ᬱᬦ᭄ᬬᬮᬕ᭄ᬬᬗᬺᬩᬢᬶᬦ᭄᭞ᬧᬦ᭄ᬭᬶᬦᬸᬮᬸᬗᬦ᭄᭞ᬩ᭄ᬭᬳ᭄ᬫᬦ᭄ᬢ᭄ᬬᬦ᭄ᬧᬸᬢ᭄ᬭᬶᬳ᭄ᬚᬶᬫ᭄᭟᭐᭟ᬧᬥᬥᬶᬃᬳᬬᬸᬥᬦᬾ ᬧᭂᬤᬂᬧᬶᬦᭂᬤᬂ᭞ᬫᬺᬢ᭄ᬢᬯᬢᬶᬳᬶᬂᬯᬶᬬᬓ᭄ᬢᬶ᭞
ᬭᬤᬾᬦ᭄ᬰᬳᬶᬤ᭄ᬧᬶᬦᬮᬯ᭄ᬬᬦ᭄᭞ᬫᬺᬢ᭄ᬢᬲᬭᬶᬳᬬᬸᬥ᭞ᬮᬯᬦ᭄ᬤᬾᬯᬶᬍᬗ᭄ᬓᬲᬭᬶ᭞ᬲᬫᬧᬯᬶᬭ᭞ᬲᭂᬫᬸᬓᬕᭂᬗ᭄ᬲᬶᬃᬧᬸᬢ᭄ᬭᬶᬳ᭄ᬚᬶᬫ᭄᭟᭐᭟ᬫᬺᬢ᭄ᬢᬲᬭᬶᬯᬸᬲᬤᭀᬄᬧᬮᬬᬸᬦᬶᬭ᭞ᬦᬗ᭄ᬳᬶᬂᬦᭀᬭᬓ
ᬳᬓ᭄ᬱᬶ᭞ᬓᬦ᭄ᬢᬸᬦ᭄ᬭᬤ᭄ᬬᬳᬧᭂᬭᬂ᭞ᬳᬶᬂᬕᬕᬡᬧ᭄ᬭᬗᬶᬭ᭞ᬫᬗ᭄ᬓᬾ ᬤᬾᬯᬶᬫᬺᬢ᭄ᬢᬯᬢᬶ᭞ᬢᬦ᭄ᬓᬢᬶᬗ᭄ᬳᬮᬦ᭄᭞ᬤᬾᬦᬶᬂᬮᬮᬓᭀᬦ᭄ᬚᬶᬫ᭄᭟᭐᭟ᬧᬸᬢ᭄ᬭᬶᬳ᭄ᬚᬶᬫ᭄ᬫᬦ᭄ᬢᬸᬓᬶᬂᬦᬕᬭᬦᬶᬭ᭞ᬳᬶᬂᬧᬸᬮᬫᬶᬦ᭄ᬢᬸ
[᭑᭓ 13A]
ᬲᬭᬶ᭞ᬳᬜᬶᬗᬶᬤ᭄ᬭᬳᬤ᭄ᬬᬦ᭄᭞ᬳᬶᬂᬫᬤ᭄ᬬᬦᬶᬂᬳᬜ᭄ᬘᬮ᭞ᬲᬋᬂᬗᬭᬲ᭄ᬯᬦ᭄ᬢᬶᬯᬦ᭄ᬢᬶ᭞ᬕᬸᬲ᭄ᬢᬶᬭᬳᬤ᭄ᬬᬦ᭄᭞ᬤᬾᬦᬵᬳᬢᬸᬮᬸᬲᬲᬶᬄ᭟᭐᭟ᬳᬢ᭄ᬫᬚᬶᬯᬳᬋᬧ᭄ᬲᬶᬭᬫᬭᬶᬂᬓᬯᬸᬮ᭞ᬚᬫ᭄ᬧᬶᬦᭂᬦᬶᬮᬭ
ᬕ᭄ᬭᬶᬂ᭞ᬳᬲᬶᬗᭂᬦ᭄ᬓᬯᬸᬮ᭞ᬭᬳᬤ᭄ᬬᬦᬗᬦ᭄ᬤᬶᬓᬵ᭞ᬥᬸᬄᬫᬲ᭄ᬫᬶᬭᬄᬧᬸᬢ᭄ᬭᬶᬳ᭄ᬚᬶᬫ᭄᭞ᬲᬫ᭄ᬧᬸᬦᬲᬸᬓ᭄ᬱ᭄ᬫ᭞ᬢᬦᬋᬧ᭄ᬧᬸᬦᬂᬭᬰ᭄ᬫᬶᬦ᭄᭟᭐᭟ᬳᬜ᭄ᬚᬗᬾᬲᬸᬓ᭄ᬱᬸᬦ᭄ᬮᬫᬋᬳᬸᬕᬵᬲᬶᬭ᭞ᬳᬫᬦ᭄ᬯᬶᬃᬡ᭄ᬦ
ᬫᬵᬲ᭄ᬓ᭄ᬯᬭᬶ᭞ᬳᬬᬸᬳᬬᬸᬤᬳᬢ᭄᭞ᬲᬸᬦ᭄ᬯᬾᬄᬲᬶᬭᬲᭂᬫᬬ᭞ᬳᬚᬲᬶᬭᬫᬮᬾᬮᬾᬦᬶᬦ᭄᭞ᬮᬄᬬᬬᬶᬳᭂᬫᬵᬲ᭄᭞ᬳᬸᬘᬸᬍᬮ᭄ᬳᬯᬓ᭄ᬫᬫᬶ᭟᭐᭟ᬳᬬ᭄ᬯᬲᬶᬃᬳᬳᬫᭂᬓᬸᬮ᭄ᬫᭂᬓᬸᬮ᭄ᬫᬦᬶᬭ᭞ᬲᬯᬸᬭᬾᬧᬸ
ᬢ᭄ᬭᬶᬓᬮᬶᬄ᭞ᬤᬾᬯᬫᬲ᭄ᬭᬳᬤ᭄ᬬᬦ᭄᭞ᬓᬮᬸᬯᬾᬦ᭄ᬓᬮᬶᬦ᭄ᬢᬗᬦ᭄᭞ᬳᬸᬧᬫᬶᬳᬦ᭄ᬤᬶᬓᬲᬭᬶ᭞ᬳᬫ᭄ᬩᬵᬩ᭄ᬭᬳ᭄ᬫᬭ᭞ᬢᬦ᭄ᬧᭂᬕᬢ᭄ᬗᬶᬲᭂᬧ᭄ᬲᬭᬶ᭟᭐᭟ᬳᬫᬸᬦ᭄ᬲᬶᬭᬳᬃᬱᬮ᭄ᬯᬭᬦᬶᬗᭀᬬᬓᬵᬦ᭄᭞ᬢ
Page:Bali-lontar-gaguritan-amir-hamsyah-300ppi.pdf/13
Jump to navigation
Jump to search
This page has been proofread.
