Page:Bali-lontar-gaguritan-adam-hawa-350ppi.pdf/25

[᭒᭔ 24B]
᭒᭔
ᬢᬶᬲᬫᬦ᭞ᬓᬦᬭᬶᬢᬧᬦ᭄ᬲᬵᬫ᭄ᬧᬸᬦ᭄ᬳᬗ᭄ᬕᬃᬩᬶᬦᬶ᭞ᬤᬸᬧᬶᬧ᭄ᬭᬧ᭄ᬢᬾᬂᬫᬗ᭄ᬱᬦᬶᬧᬸᬦ᭄᭞ᬩᬩᬃᬚᬮᬸᬧᬸᬢ᭄ᬭᬜ᭞ᬯᬃᬡ᭄ᬦᬦᬶᬭᬧᭂᬓᬶᬓ᭄ᬢᬂᬘᬄᬬᬲᬸᬫᬸᬦᬸ᭞ᬢᬦ᭄ᬱᬶᬯᬄᬮᬦ᭄ᬳᬶᬓᬂᬭᬫ᭞ᬲᬵ᭠
ᬫ᭄ᬧᬸᬦ᭄ᬲᬶᬦᬸᬂᬗᬦ᭄ᬭᬯᬗᬶ᭟ᬳᬶᬭᬫᬳ᭄ᬬᬂᬥᬃᬫ᭄ᬫᬚᬓ᭞ᬤᬶᬯᬲᬜᬓᬂᬧᬸᬢ᭄ᬭᬳᬗ᭄ᬮᬗ᭄ᬓᬸᬂᬗᬶ᭞ᬦᭂᬗ᭄ᬕᬶᬄᬳᬶᬂᬲᬸᬩ᭄ᬭᬢᬦ᭄ᬦᬶᬧᬸᬦ᭄᭞ᬘᬶᬦᭂᬡ᭄ᬥᬓ᭄ᬘᬭᬶᬢᬜ᭞ᬲᬂᬳ᭄ᬬᬂᬥᬃᬫ᭄ᬫᬚᬓᬯ
ᬳᬸᬓᬫ᭄ᬩᬶᬮ᭄ᬫᬦ᭄ᬢᬸ᭞ᬤᬾᬦᬶᬂᬲᬂᬧ᭄ᬭᬪᬹᬰᬶᬓᬡ᭄ᬤ᭞ᬭᬢᬸᬚᬶᬦ᭄ᬱᬾᬮᬦ᭄ᬦᬕᬭᬶ᭟ᬤᬶᬦᬳᬸᬧ᭄ᬓᭂᬦ᭄ᬮᬦ᭄ᬧᬸᬢ᭄ᬭᬶᬜ᭞ᬓᬂᬧᬦᭂᬗ᭄ᬭᬦ᭄ᬦᭂᬗ᭄ᬕᬶᬄᬤᬾᬯᬶᬲᬶᬓᬡ᭄ᬥᬶ᭞ᬦᬸᬢᬸᬕ᭄ᬤᬾᬦᬶᬭᬫᭀᬂ
ᬮᬸᬮᬸᬢ᭄᭞ᬤᬸᬧᬶᬳᬦ᭄ᬢᬭᬮᬫ᭞ᬯᬸᬲ᭄ᬧᬢᬸᬢ᭄ᬢᬦ᭄ᬳᬗ᭄ᬱᬮ᭄ᬧᬸᬢ᭄ᬭᬶᬓᬂᬧᬫ᭄ᬩᬵᬬᬸᬦ᭄᭞ᬤᬾᬯᬶᬤᬃᬫᬦᬶᬦᬫᬜᬫᭀ᭞ᬧᬦᭂᬗ᭄ᬕᬓ᭄ᬓᬓᬸᬂᬯᬯᬗᬶ᭟ᬤᬃᬫᬦᬳᬸᬕᬶᬳ᭄ᬬᬂ
[25A]
ᬤ᭄ᬯᬶᬚ᭞ᬳ᭄ᬬᬂᬢ᭄ᬭᬶᬬᬢ᭄ᬭᬧᬫᬥᬾᬓᬂᬲᬸᬫᭂᬡ᭄ᬥᬶ᭞ᬤᬾᬦᬾᬢᬲᬸᬫᭂᬡ᭄ᬥᬶᬦ᭄ᬦᬶᬧᬸᬦ᭄᭞ᬲᬂᬳ᭄ᬬᬂᬘᬢᬹᬃᬓᬦᬓᬵ᭞ᬳᬦᬫᬳ᭄ᬬᬂᬯᭀᬜ᭄ᬘᬋᬱᬶᬯᬺᬕᬶᬮ᭄ᬳᬶᬧᬸᬦ᭄᭞ᬲᬫᬦᬧ᭄ᬭᬪᬹᬲᬶ
ᬓᬡ᭄ᬥ᭞ᬮᬸᬫᬸᬦ᭄ᬢᬸᬃᬲᬶᬄᬳᬶᬭᬾᬂᬕᬮᬶᬄ᭟ᬜᬮᬾᬄᬓᬧ᭄ᬭᬩᭀᬦ᭄ᬦᬶᬭ᭞ᬫᬭᬂᬫᬦ᭄ᬢᬸᬦᬾᬦᬾᬲᬶᬓᬡ᭄ᬥᬳᬚᬶ᭞ᬮᬶᬗ᭄ᬕᬃᬳᬗᬮᬶᬄᬍᬤᬢᬸᬦ᭄᭞ᬯᬳᬸᬳ᭄ᬬᬂᬥᬃᬫᬚᬓ
᭞ᬳᬯᬶᬩᬯᬗᬺᬗ᭄ᬕᬦᬶᬓᬧ᭄ᬭᬩᭀᬦᬶᬧᬸᬦ᭄᭞ᬧᬭᬯᬤ᭄ᬬᬚᬶᬦ᭄ᬳᬶᬂᬲᬾᬮᬦ᭄᭞ᬲᬤᬬᬲᬸᬫᬸᬬᬸᬢ᭄ᬱᬫᬶ᭟ᬦᬳᭂᬦ᭄ᬓᬂᬚᬸᬫᭂᬦᭂᬂᬦᬣ᭞ᬳᬫᬗ᭄ᬲᬸᬮ᭄ᬮᬶᬘᬭᬶᬢᬤ᭄ᬬᬄᬭᬯ
ᬢᬶ᭞ᬘᬮᬶᬗ᭄ᬕᬃᬭᬶᬂᬧᬸᬢ᭄ᬭᬦᬶᬧᬸᬦ᭄᭞ᬯᬳᬸᬳ᭄ᬬᬥᬃᬫᬚᬓ᭞ᬦᬸᬮᬶᬳᬗ᭄ᬕᬃᬩᬶᬦᬶᬫᬮᬶᬄᬲᬂᬭᬢ᭄ᬦᬬᬸ᭞ᬳᬫ᭄ᬩᬩᬃᬚᬮᬸᬧᬸᬢ᭄ᬭᬜ᭞ᬳᬶᬂᬯᬃᬦᬓᬮᬗ᭄ᬓᬸᬂᬧ᭄ᬓᬶᬓ᭄᭟ᬭᬫᬾᬩᬸᬮ