[᭑᭖ 16B]
᭑᭖
ᬦᬸᬢᬸᬲ᭄ᬤᬾᬳ᭄ᬬᬂᬧ᭄ᬭᬫᬾᬱ᭄ᬝᬶᬕᬸᬭᬸ᭞ᬢᬸᬫᬸᬭᬸᬦ᭄ᬫᬭᬶᬂᬫᬥ᭄ᬬᬮᭀᬓ᭞ᬚᬸᬫᬸᬚᬸᬃᬫᬭᬶᬂᬢᬫ᭄ᬧᬸᬃᬳ᭄ᬬᬂ᭞ᬓᬸᬫᬯ᭄ᬭᬸᬳᬓᭂᬦ᭄ᬢᬾᬓᬂᬩᬮ᭄ᬬᬕᬵ᭞ᬳᬓᬃᬬ᭄ᬬᬤᬶᬤᬶᬦ᭄ᬬᬯ᭄ᬭᬸᬳᬳᬲᬲᬗ᭄ᬕᬶᬗᬦ᭄᭞ᬓᬢ᭄ᬓᬾᬂᬳᬫ᭄ᬘᬶᬓᬓᭂᬦ᭄ᬮᬶᬗᬶᬃ᭞ᬘ
ᬮᬕᬶ᭞ᬢᬂᬯᬶᬳᬂᬧ᭄ᬯᬳ᭄ᬬᬂᬇᬦ᭄ᬤ᭄ᬭᬓᬶᬦᭀᬦ᭄᭞ᬢᬸᬫᬸᬮᬶᬳᬫ᭄ᬯᬶᬢ᭄ᬫᬗ᭄ᬓᬢ᭄᭞ᬚᬸᬫᬸᬚᬸᬕᬶᬂᬢᬫ᭄ᬧᬸᬃᬳ᭄ᬬᬂ᭞ᬳᬯᬾᬱᬲᬗ᭄ᬕᬶᬂᬧ᭄ᬭᬩᬗ᭄ᬓᬭ᭞ᬳᬫᬯᬧ᭄ᬭᬩᭀᬢᬶᬂᬲᬗ᭄ᬕᬶᬂ᭞ᬢᬦ᭄ᬓᬝᬵᬓ᭄ᬦᬾᬗᬯᬦ᭄᭞ᬅᬧᬦ᭄ᬫᬳᬯᬦ᭄ᬳ᭄ᬬᬸᬦ᭄᭞
ᬲᬵᬫ᭄ᬧᬸᬦ᭄ᬲᬓ᭄ᬱᬡᬧ᭄ᬭᬵᬧ᭄ᬢᬫᬭᬶᬂᬢᬫ᭄ᬧᬸᬃᬳ᭄ᬬᬂ᭞ᬭᬶᬂᬳᬸᬗ᭄ᬕ᭄ᬯᬦᬶᬂᬢ᭄ᬯᭂᬤ᭄ᬘᬮᬕᬶ᭞ᬓᬂᬯᬸᬲ᭄ᬧᬶᬦᬳᬬᬸᬤᬾᬪᬕᬯᬦ᭄ᬯᬶᬲ᭄ᬯᬓᬃᬫ᭄ᬫᬗᬹᬦᬶ᭞ᬲᬥᬢᭂᬗᬶᬭᬦ᭄ᬳᭂᬃᬳᬫ᭄ᬘᬶᬓᬓᬦ᭄ᬧᬸᬦᬂᬮᬶᬗᬶᬭᬵ᭞ᬲᬧᬭᬶᬓ᭄ᬭᬫᬦᬶᬂᬫᬦᬹᬱ
ᬅᬦ᭄ᬢ᭄ᬬᬦ᭄ᬫᬧ᭄ᬓᬶᬓ᭄ᬭᬸᬧᬦᬶᬂᬢᭀᬕᭀᬕ᭄᭞ᬤᬺᬲᬓ᭄ᬱᬢ᭄ᬳ᭄ᬬᬂᬓᬫᬢᬦ᭄ᬢ᭄ᬭ᭟ᬬᬦ᭄ᬧᬓᭀᬧᬫᬦ᭄ᬓᬬᬳᬮᬫᬮᬫ᭄ᬧᬦ᭄ᬢᬦ᭄ᬯ᭄ᬭᬸᬳᬗᬸᬘᬧ᭄᭞ᬬᬫᬢᬂᬦ᭄ᬬᬓᬂᬯᭀᬂᬩᬮ᭄ᬬᬕᬓᬧᭂᬗᬧᭂᬗᬢᬸᬫᭀ
[᭑᭗ 17A]
ᬦᬸᬮᬳᬶᬂᬮᬶᬗᬶᬃ᭞ᬮ᭄ᬯᬶᬃᬳᬶᬗᬸᬦ᭄ᬤᬸᬄᬢᬾᬓᬗᬢᬶ᭞ᬬᬬᬵᬢᬦᬾᬥᭂᬧ᭄ᬢᬸᬫᬶᬗ᭄ᬕᬮᬵ᭟ᬓᬸᬦᬂᬯᬸᬲᬶᬂᬫᬗ᭄ᬓᬦ᭞ᬦ᭄ᬳᭂᬃᬧ᭄ᬯᬲᬶᬭᬲᬗ᭄ᬳ᭄ᬬᬂᬇᬦ᭄ᬤ᭄ᬭᬳᬗᬚᬭᬓᭂᬦ᭄ᬫᬦᬹᬱᬵᬧᬥ᭞ᬅᬕᬸᬡᬳᬲᬲᬗ᭄ᬕᬶᬗᬦ᭄᭞ᬅᬕᬶᬭᬢ᭄ᬯᬲ᭄ᬦᬶᬓᬂᬯᭀᬂ
᭞ᬇᬗᬚᬭᬓᭂᬦ᭄ᬯᬲᬶᬢᬫᬗ᭄ᬓᬾ᭞ᬲᬵᬫ᭄ᬧᬸᬦ᭄ᬧᬥᬯ᭄ᬭᬸᬄᬯᭀᬂ᭞ᬅᬫ᭄ᬭᬩᬗ᭄ᬓᬭᬵ᭞ᬢᬸᬫᬸᬮᬶᬫᬦ᭄ᬢᬸᬓ᭄ᬳ᭄ᬬᬂᬇᬦ᭄ᬤ᭄ᬭᬫᬭᬶᬂᬢᬦ᭄ᬓᬢᭀᬦ᭄᭞ᬫᬭᬶᬂᬇᬦ᭄ᬤ᭄ᬭᬮᭀᬓ᭟᭐᭟ᬘᬭᬶᬢᬦᭂᬦ᭄ᬯᬶᬤ᭄ᬬᬥᬭᬫ᭄ᬯᬂᬯᬶᬤ᭄ᬬᬥᬭᬶ᭞ᬇᬦᬸ
ᬢᬸᬲ᭄ᬤᬾᬪᬝᬵᬭᬕᬸᬭᬸᬢᬸᬭᬸᬦ᭄ᬯᭀᬦ᭄ᬢᭂᬦᬶᬂᬩᬮᬶᬳᬕᬵ᭞ᬳᬧᬶᬳᬧᬶᬅᬤᬤᬗᬦᬦ᭄ᬓ᭄ᬭᬶᬲ᭄᭞ᬇᬦᬶᬯᬾᬄᬳᬫᬯᬵᬯᬲ᭄ᬢ᭄ᬭᬮᬍᬯᭂᬲ᭄᭞ᬤᬶᬤ᭄ᬬᬦ᭄ᬳᬦᬢᬶᬦᬸᬮᬃᬤᬾᬦᬶᬂᬯᭀᬂᬩᬮ᭄ᬬᬕᬵ᭞ᬢᬦ᭄ᬓᬝᬵᬓ᭄ᬦᬾᬂᬤᬤ
ᬮᬦ᭄ᬯᬸᬲ᭄ᬧ᭄ᬭᬵᬧ᭄ᬢᬳᬾᬂᬢᬫ᭄ᬧᬸᬃᬳ᭄ᬬᬂ᭞ᬇᬲᬫᬶᬧᬦᬶᬂᬮᬶᬗ᭄ᬳᬶᬃ᭞ᬢᬶᬦ᭄ᬳᭂᬃᬭᬶᬦ᭄ᬬᬲᬓᭂᬦ᭄ᬢᬂᬮᬶᬗ᭄ᬳᬶᬃ᭞ᬭᬶᬦᬗ᭄ᬲᬸᬓᬓᭂᬦ᭄ᬪᬸᬱᬡ᭞ᬮ᭄ᬯᬶᬃᬦ᭄ᬬᬯᬲ᭄ᬢ᭄ᬭ᭞ᬲᬫ᭄ᬧᬶᬭ᭄᭞ᬥᬲ᭄ᬢᬃᬮᬦ᭄ᬧᬧ᭄ᬢᭂᬢ᭄᭞ᬕᬶᬦᬦ᭄ᬥᬲᬃᬯ᭄ᬯᬭᬸᬓ᭄ᬫᬶ᭞ᬧᬦ᭄ᬢᭂᬲ᭄ᬧᬬᬲ᭄
Page:Bali-lontar-babad-pasek-kayu-selem-02-250ppi.pdf/17
Jump to navigation
Jump to search
This page has been proofread.
