48. Dhinèng bitä pnèka sareng Nabbhi, dhăddhi larangannèpon talèbăt, tapè omat maksa saos, partjadjă tor alako , kadhǎddhiǎnna njalaka'è, kongsè alako sala, kasta achèrrèpon, tjontona kadhi Alnasan, saten-bhoentenna maskè ta' njalaka'è, tanto marogi abă'.
49. Kadhi adhattèpon orèng anjè, èsabă'i katja serrèt mènnja' , ghǎpanèka tanto saos, mowang pèssè ta' sorop, ta' ollè hasèl lè-sakalè, mon ghănèka èboewăng, dhan kaoelă nangghoeng, ta' kèra apa-ponapa, dhăddhi pèssèna saèan kaèmanè, taro dǎlem peṭṭèna.
50. Sopadjǎ mèghoenaè èbingkèng, kèngèng sadija'ǎghi ka aral, manabi ampon tagheppok, bădă sè langkong parlo, njopprè ta' kantos njarè polè, otabă tang-taotang ; manabi saka'into, saklangkong sè ghoenana, ètèmbhăng sareng èlang ta' ollè hasèl, norot tèngka ta' ladjǎk. 51. Manossa bakto njarè radjhekkè, kadhi kapal è bǎkto aladjăr, lerres èlowarra tasè' , bănnja' panolakkèpon , sè madjhãoe djhălăn bhălăi, artèèpon alangan, aral neng-è laot, ombă' karang angèn toefan, mon djhoermoḍdhi korang pènter ta' tè-ngatè, tanto tjlaka' kapalla. 52. Sapanèka tatèngkanna orèng, èḍălem bhab panjarèna kasap, ta' korang pangghoedhǎèpon, sèttong alombhăr napso , nglakonè sè ta' ollè hasèl, kadhi bădă ghăbăjjă , nakalla ètorot, amaèn sareng laènna, pèng doewǎ' ta ' onèng dhoeghǎ kèra saè, sakèng dări bhoedhoena. 53. Kadhi lendhǎ ka bhălăna dhibi', ta' kalaban bǎnnja' partèmbhăngan, nèng norot nèserra pèkkèr, otaba atotolong, ari' -berri' ta' ènga' bangkèt, nglangkongè kamampoan, njossaè pon tanto ; dhinèng tello parkarana, tèngkaèpon orèng bhab njarè radjhekkè, segghoet jǎkin ka bitä. 54. Djhoe ta' bănnja' rèng amoldja'ăghi , ka dhoekon tamènta tor djhă-moddjhă, kamoldja'ăn sè èsopprè ; ghǎpnèka tanto klèro , èpèkkèr djhǎ' dhoekon mèskèn ; mon onèng masoghiă, masa poron bhoeto, abă'na pas soghi arta, orèng laèn èpasoghi neng è-boedi, samarèna abă'na.
55. Bădă polè tjarèta dhi-andhi, klakoanna Dhin Sorawijăsa, orèng băngalan ta' nangghoeng, pardjadji soghi èlmo , pènter bhǎdjheng tjakang tor tjattjèl, taḍa' kakoranganna ; lala- í konna madjhoe, katarèma ka lorana, para kaboelăna padă tako' asè, senneng pangaboelăna. 56. Man-èmanna pas andi' tjatjalèn , ta ' sorop sareng tèngka lakona, kaghoengan adhat ta' saè, dhinèng sè nomer sèttong, talèbăt wang-mowang radjhekkè, langkong-langkong rojǎllă, ahli nglombhăr napso, dhă'år angghoej ta ' satèmbhăng, lèboer maèn tor nakal ka rèng băbinè' , kaghăbăj kasennengngan.
