48
Saotta haddjhi Ibrahim:,,Sarrèna boelă arassa tjè' nèserra ka dhika, dhǎddhi boelă marloaghiă ongghoe njarè pèssè pata f 125 otabǎ f 130, tapè mon lebbi sabǎrinto boelă ta' kellar njarè."
Otja'na ma'na Kalsan: „,Somèlèa nèng saka'into, bhǎdhăn kaoelǎ mator kaso'on èattas boen-emboenan, sokkor ta' kantos abali nang-nanang saos, karana bhǎdhăn kaoelǎ sè njanjonnata terro è boelăn mangkèn,"
Otja'na haddjhi Ibrahim: „Mon dhika endǎ' ƒ 100, ollè; tapè boelǎ ta' ngala' boedoe', haram, nèng endǎ' mosèwă. Atoranna kodhoe badă sè è'akat djhoewăl, pas sèwă dhika. Napè dhika anḍi' bhărăng sè èkennèng tangghoengngaghi?"
Ma'na Kalsan: „Bădă, èngghi ka'into: bengko sareng pakaranganna, polè sabă sè beddhålla 8 amet."
Haddjhi Ibrahim:,,Sanonto dhika molè bhai ghalloe, mènggoe dateng abǎli polè, alastarèaghi."
Ekala' panda'na tjarèta ma'na Kalsan la molè.
Prandhinèng haddjhi Ibrahim rèja tokang ngala' boedoe'; mon pèssè sakonè', opama: f 10 molè ƒ 15, mon pèssè bǎnnja' sabbhån f 100 koedoe'na f 10 èdǎlem saboelăn, tapè èhèlaè, èakat njèwa tjara sè la ètjarèta'aghi èattas ghellǎ'.
Kalagghoeǎnna haddjhi Ibrahim pas èntar ka bengkona kalèboen Tjihondjè, parlo atanja'a bhărăng ḍi'-anḍi'na ma'na Kalsan. Saellana napa' kadjǎḍijă, pas atanja ka kalèboenna:,,Ponapa lerres ma'na Kalsan anḍi' bengko, pakarangan sareng sabă? Mangkèn njo'ona nèngalè boekoena!"
Boekoena pas èpatao bi' kalèboenna sambi ngotja': „Lerres, towan haddjhi, ma'na Kalsan anḍi' sabă, anḍi' bengko sareng pakaranganna, tor abă'na orèng saè, kèngèng èpartjadjă, manabi èparèngana aotang. Tja'na, samangkèn abǎ'na bădă'ă ghăbajjǎ."
Otja'na haddjhi Ibrahim: „Lerres, aba'na èntar ka kaoelǎ, ngotja' ngèndjhăma pèssè. Manabi pandjhennengngan nangghoeng, sareng kaoelă èberri'ǎ."
Kalėboenna:,,Engghi saè, njara kasokan, kaoelǎ ta' anḍi' kaberrådhǎn pa-panapa."
Saellana haddjhi Ibrahim pas molè.
Ella' samènggoe ḍări sè asomadjǎ'ăn ngèndjhăma pèssè ghella', ma'na Kalsan pas èntar ka bengkona haddjhi Ibrahim polè.
Otja'na haddjhi Ibrahim: „Ma'na Kalsan, parkara dhika sè ngèndjhăma pèssè f 130 bi' boelǎ èberri'ǎ, tapè kodhoe pabhender, djhǎ' njarè djhoebǎ' èboedi. Dhinèng atoranna tjara sè pon èkabălă kabarǎmpan arèanna ghǎrowa: bengko, pakarangan bǎn sabǎna dhika kodhoe èsebbhoet èḍălem pardjhǎndjhiǎn, sebbhoettaghi èpaghǎdhi; saemponna pas akat èsèwǎ bi' dhika, sopadja halal."
