45
ghǎ djărèja, sanaddjhăn dhighǎnganna ḍǎ'-aḍǎ'na madjhoe, aba'na ta' ghellem anḍi' arta, sabab dǎ'-tadǎ' è djhålån sè polana ampo abinè.
Sarta pas abinè polè orèng raddhin, tapè băbinè' ta' bhădjhong (1), sabab abă'na nèng marloaghi robăna malolo, ta' měkkèrè kadhǎddhianna èboeḍi. Dhinèng babinè' djǎrèja tjè' pènterra ngala' atè ka Sastra, kongsè èpartjadjă atoghoe tokona. Pèkkèrra sè binè': „Sastra rèja orèng lèboer nellakan binèna, tanto sèngko' rèja ta' kèra èengghoenè abit kèja."
Sarrèna binèna djărèja anḍi' pèkker tjara bhoeroe, dhǎddhi sabhǎrăng lalakonna ta' ghellem djhoedjhoer, salèngko bhai ka Sastra. Sèpat adjhoewal bhărăng, pèssèna èerrep saparo. Saopama ta' padjoe, bhāranguga sè sèrrep.
Amarghǎ sè bhab barija djǎrèja dhǎghănganna Sastra so'è rogi bhǎi, kongsè ta' ngennèng ngaso'aghi sakalè ka djărăghǎnna. Di-boedina Sastra pas èbisla bi' djhǎrăghǎnna, dhoennjana èlotlot kakabbhi, kongsè abă'na malarat, abăli tjara asalla.
Nalèka Sastra ghi' soghi, eppa'na la matè; satèja nèng karè emma'na, sarta la tjè' malaratta. Teppa'na la tjara djărèja aboe-èmboe ana'na nemmo katjalaka'an, la tantona èkasossa băt-talèbǎt, kongsè èhasake. Dhiddhi emma'na ta' noro' njanḍhăng kasennengnganna nalèka ghi' soghina, tapè bilă la nemmo katjalaka'an noro' njanḍhăng sossana.
Sastra arassa tjè' ennessa atèna ngabăs emma'na sè gherring, sabăb ta' andi' sè èkabelliǎ tambhǎ, èmaso'aghi ka roma sakè', kabǎtèr, ngondjhänga dokter ta' anḍi' sè èpamadjără ongkossa, sarta pa-apa sè èkaterroè emma'na ta' kobása aberri', margha talèbăt malaratta.
Dhinèng sakè'na emma'na so'è sara bhăi, bit-abit kongsè dhaddhi taladjǎna.
Sastra arassa tjè' ghimengnga pèkkèrra sè polana kapatèan emma’na, sabib tada sè eghaghabha băn tada’sè èserroana bhǎlǎkka', dhăddhi atèna arassa tjè' rentekka, aèng matana aghǎrǎbhǎsan.
Ontongnga bănnja' orèng ari-berri', sabab abă’na asal soghi, sarta lèboer atotolong ka orèng, kongsè lastarè ngobhoerraghi majjiddha emma'na kalaban sakadhǎrrǎ.
Kongsè on-taonan Sastra njandhang kasossa'an sè polana nga'-ngènga'è orèng towana, marghă nalèka ghi' oḍi'na, abǎ'na ta' tao mardoeli sakalè, nèng norotè kasennengnganna dhibi' bhǎi, taḍǎ' panarèmana sakalè ka orèng towana, sè mèjara abǎ'na molaè ḍări ghi' mèra kongsè towa. Bilă la èdhina matè em-
1) Djhoebǎ' tèngkana.
