40
satèja pas anḍi' rarengkan terro ngaronga binè. Apa polè abǎ'na èkalèboeri babinè' bannja', sabab la djhama'na orèng mampo bănnja' ngaterroè. Anangèng ghi' ta' kalaoan, djhǎ' rèng-orèng djărèja bhender terro ongghoe ka Alwǎni; tapè sè kanjata'an ongghoe rèng-orèng babinè' ghella' nèng terro ngaopa, matoro'a taboe'na njopprè ta' kangsèa kalaparan, ban parlo matoro'a bhadhanna, njopprè ta' kangsèa abangkang.
Ekala' pandǎ'na tjarèta, Alwani la atemmo bi' djhoeḍhoena, ladjhoe akabin, ngarong parabăn.
Binèna sè towa, anjama Soei, talèbat sakè' atèna, sèjang malem ta' njaman neng-enneng, kongsè ta' njaman ngakan, ta' njaman tedoeng, bhadhănna koros ngarèngkèng, sarat nèng karè tolang bi' kolè'na. Aboe-èmboe bannja' orèng sè djhănngaddjhănè ka aba'na, sopadja nokarana lakè băn madoena, sabab la kapprana rèng soghi rèja èkadhengghi'i orèng.
Tja'na njè Tjèwo: „Engko' la bannja' pangataoan, ḍări ngoḍǎ kongsè towa ghasèk èpamadoeaghi taḍă' sennengnga nè'-sakonè'a. Epamadoeăghi orèng sè ngattasan, panas; bi' dhǎ-padhǎ, arassa kabǎtèr tako' kongsè kala, sabab mon kongsè kala arassa malo radjă; mon èpamaḍoeăghi orèng sè mabă’ăn, arassa ètongko'è otabă ètjalonga'è."
Dhinèng Soei so'è talèbat ghalghal atena, saparkara polana èmadoeaghi, kaḍoewǎ parkarana margha ngèding djhăn-addjhănna orèng bannja', sè nas-manasè, kongsè atokar bi' lakèna sèjang malem taḍă' peggha'na; la-mala mon la ta' kellar ngampet napsona, pas nompo ka bengkona maḍoena, nanondhes băt-talèbăt.
Amarghǎ djǎrèja Alwǎni arassa talèbăt malona ka ghă-tatangghăna, kabirǎnganna tada' dhă-andhina. Nellaka binèna sè towa arassa ta' tègha, margha aba'na ghi' anḍi' panganèser, sarta berra' ka ana'na, tako' ta' ro-karoan, marghă taḍă' arabadhi. Băn polè aba'na ènga' ka kaèstoanna binèna, sè èkabin molaè ghi padă ngoda njandhang kamalaratan masabbhăr bhăi. Molana aba'na tje' ghimengnga ta' nemmo pèkker.
Anangèng bit-abit pas èsak polè, ta' atokaran ghoe-ongghoe. Tjoma Soci saténgka-polana maangga', bhidha bi' ri'-bări'na, opama: taḍa' amboena abeḍdha', aparas ban asèsèk, sarta maskè ghighina la marè èpapar kongsè panda' ghi èpapar polè, padjhălănna nètèr kolènang sambi alèmbaj, meltas mandjhălin, kongsè aobǎ tèngka, sè polana tako' kala'a ka madoena. Gharighi'na kangan katjèr possa' bi' sello'; djhă' sakènga ngangghoej djhămang, pas anjama pangantan. Ghi' bilănnă ma' polèabeddha' otaba aparas, maskė ngangghoej, mon bannè mastèna, ta' enda', sabab abǎ'na ta' ghijár adhǎndhan, neng djhǎ-maddjhǎ bhǎi; abǎ'na anḍi' sèpat èmanan ka pèssè bån ka angghoej. Tapè saellana èpamadoeăghi, pas èlang adhaddha se bhaghoes
