orèng towana . Mon abă'na apalessir è băkto arè Ahad , opama ta' nompa' sapèḍă , adjhălăn soko, sampèrra ngarèksèk sè kabellina ƒ 15 otabă ƒ 20, kalambhina potongan Ngaridjo , tarompana bădhălăn Sorabhădjă, tanang kanganna negghoe' tongket sambi èbeng-èbengngaghi, apa polè orèngnga lakar patot, tètèngèl sarta tao ngèbă ka angghoej , dhăddhi mon adjhălănan sarat dhăddhi kembhängnga lorong. Saellana totok sè asakola pardjădji , ladjhoe kalowar, bi' ramana pas èpamaghăng è kantelliran . Ta ' saapa abiddha Radhin Sorawijăsa sè maghång kapènterran băn kabhǎdjhengnganna la kaonèngan ka lorana, molana lorana talèbăt nèserra ka abǎ'na . Ghi' bhoeroe sataon Radhin Sorawijăsa sè maghăng la èangkat dhǎddhi djhoertolès bădhăna è sèttong distrik. Sabelloenna mangkat Radhin Sorawijăsa èsalamettè ghǎlloe bi' ramana, èpangondjhăngngaghi maghăng tja-kantjana, mènangka dhåddhi tandhǎ kabhoengkakanna băn modjhi mandhăr salametta. Ramana dări talèbăt nèser ka pottra, sanaddjhăn abă'na la seppo sarta malarat tapaksa norotè parnjo'onanna pottrana . Sarrèna sè njalamettè djărèja èradjăi , molana ongkossa kongsè abi ' f 200. Ta' saapa abiddhă dări Radhin Sorawijăsa sè dhăddhi djhoertolès bǎdhăna, ramana sèdhă , marghă la seppo, tapè taḍă' bhărăng dhădhingghălănna sakalè, sabab asalla padjhăt ta' soghi, boe-èmboe taḍă' èkaghăbăj norotè kakareppanna Radhin Sora. Dhinèng Radhin Sorawijăsa rèja maskè la ta' andi' rama ta' ghellem ngamboei karojălănna, la-mala so'è abă -tambă . Dhinèng sè èkabhăndha norotè karojălănna taḍă' laèn nèng ollèna aotang, njagherrăghi ghădjhina. Maskè abǎ'na nèng dhăddhi djhoertolès bădhăna, tapè ta' enda' kala ka orèng sè atèngghian pangkatta, opama : ka Asistèn bădhăna , apa polè ka trè -mantrè, sabab ngambhoeăghi karadhinanna. Mon nèng ètengnga pasèmoan otabă tajoebhăn abă’na sè ngèl-tèttèngèlan, dhăddhi kembhăngnga pasèmoan, sarta mon najoep palèng lotè' , palèng lotjo . Mon tja-kantjana masang f 1 , abǎ'na njaba' palèng sakonè' sarènggit . Sèpat băḍă bhărăng modèl anjar, abă'na mastè dhoeli mellè. Saopama è tokona Ano bădă tarikoe njalèndhă , ghi ' bhoeroe towan Ano sè momolan ngangghoej , aba'na pas li-dhoeli mellè, ta' mardoeli ghi' larang, margha tako' èdjhoengadǎ'i dji-pardjadji laènna. Sèpat băḍă bhărăng njalèndhă abă'na ta' tao ta' andi', opama : mostik, tongket, kètteng, arlodji, laddhing pènnès, po'lot băn ban èn-laènna ; boekoe notitina bhăi bellian è toko Bălăndhă . Radhin Sorawijăsa tjè' terrona sè anḍi'ă bènḍi, tapè ta' andi' pèssè sè èkabelliă, molana pas aotang ka orèng Arab, anjama Sèch Alwi bin Djaffar, ollè bi' djhărănna saparadhek adjhi
