dhibi', djhă' lè- sakalè ètolong. Mon bă'na ta' andi', tanto orèng
sè dǎnggǎs ghellǎ ' ta' kèra ta-mènta ka bă'na ; tapè mon băʼna soghi arapa orèng djărèja ma' ta-mènta ka bǎ'na ?
7
ORÈNG SE PÈKKERRA TA' WAN-KAROAN.
Ghi' ta' saapa abiddhă è dhisa Pasirrengit badă rèng kasorang, anjama Alnasan . Dhinèng Alnasan rèja asal-molana tjè' malaratta , ghasèk ngakan asella arè. Pangorèpanna abă'na è rèsaarèna ngala' dherrep alako sabă. Dherreppa èḍălem sataon padi 100 èntèng, sè tèng-saèntèngnga berrăt 5-6 katè, sarta aba'na ollè kakan ban angghoej saparadhek. Lè-ollèna padi pas èdjhoewal ka pasar, pèssè padjoena ladjhoe ètaro .
Sarrèna abă'na bhădjheng sarta tjattjèl alalakon, sarta podjhoer, bit-abit abă'na kongsè anḍi' bhănḍhă mandjhă' dhibi'. Ladjhoe njèwă sabă sabhǎoe, èlakonè dhibi'.
Lantaran abă'na tjerrè' sarta parèmpen, tao aḍăng-menḍăngngaghi radjhekkèna, molana so'è abit so'è bănnja' di' -andi'na, kongsè kellar mellè bengko sè abăk bhaghoes , tjoma abă'na ghi' ta' andi' tanana.
Saellana djărèja abă'na pas tomboe pèkkèrra terro abinèna, karana arassa talèbăt sossana taḍă' sè mateppa'aghi kakan băn angghoejjă, apa polè mon alalakon è sabana arassa malarat, marghǎ taḍă' sè nolongè. Amarghă djărèja abă'na pas njarè babinè' sè èkatjotjokè.
Dhinèng babinè' sè èsarè abă'na ta' mèlè sè raddhin , sokkor robăna kappra bi' orèng bhăi ; sè èsarè abă’na ijă arèja băbinè' sè bhaghoes tèngka polana, pabhălă, ta' laṭṭès băn ta' somengngèt; băn polè salè-ollè mèlè crèng sè tao ala-ola. Abă'na ta' lè-sakalè akarep ka orèng raddhin , karana orèng raddhin rèja, mon ta' ètoboei sakabbhianna, bănnja' salèdhir, ta' èsto ka lakèna. Băn ta' terro ana' mantrè , sabab tja'na pangrasana ta' boeroeng tako' ka lalakon.
Apa polè ana'na orèng soghi, abă'na ta' andi' pangaterro nè'sakone'a, sabab ana'na orèng soghi rèja kapprana masola, bănnja' tètèngkanna, ta ' èkennèng rèksakè orèng. Mon badhǎllă lakena korang ta' èkenda'i, sarta ta' katon, marghă ghǎsèk kaalèngan paberri'na oreng towana. Bărijă kèja mattowana, mon mantona korang paberri'na ka ana'na , kabănnja'an pas èkala' lakona, kongsè èkennèng kotja' ta' ollè todjoe' bhălăkka'; sèjang malem, odjhăn angèn, mon băḍă èsoroaghiă, ta' ollè a-
