15
èghăr- paghărra etamennè oto ’-kalèpat , parèja, ghăloeddhroe băn èn-laènna . Kasennengnganna tjara orèng laèn, opama : abhǎbhoeroe, nènèngghår, mèghǎ ' djhoeko' , apa polè amaèn, abă'na tjè' ta' ghijărră. Saopama aba'na èntar kaondjhăngan ka tajoebhăn, tja-kantjana padă amaèn tataroan , abă'na ta ' noro' pato, nèng ngabǎssaghi, otabǎ njarè èn-maènan laèn sè ta' narapasè pèssèna . Tja-kantjana bănnja' sè tjo-ngotjoaghi, ngatjatja otabă ngabădjhi'i, sè polana abă’na ta' noro' amaèn, tapè otja' djărèja ta' èèdingngaghi sakalè ; la-mala băḍă sè mamalaè, mon terro èkaakorana tja-kantjana, sèpat bădă kantjana amaèn, kodhoe noro' patona, karana mon ta' bărijă, ta' boeroeng èdhoekanè lorana, njossaè ka pangghăbăjănna. Băbălă'ănna orèng sè bărijă djărèja ta ' èpartjadjă sakalè, sabab tja'na pèkkèrra : maèn rèja lalakon djhoeba ' , orèng aghoeng tanto lebbi ngartè, mohal orèng sè ta' endă ' ngalakonè kadjhoebă'an sè èdhoekanana. Băn polè maskè abǎ'na ghellem akor ka tja-kantjana kalaban adjhălănè kalakoan sè bănnè kawǎdjibhănna, mon kawădjibhăn ḍinessa ta' teppa' , ta ' boeroeng èleppas . Ta' èkarapa mon amaèn ta' kongsè maèr ; tapè mon kongsè talèbăt maèr, kongsè ghilǎ ka maèn, tantona marosak bhǎdhăn, dhoennjana tompes . Mon la taghijoer ka maèn, sarta èleppas dări pangghăbăjănna, sè polana talèḍoer, dhăddhi anjama nemmo tjalaka' atompang tèndhi, tèbhăna pas dhăddhi orèng parèman bhoebhoetona maèn. Binèna ghasèk mamadhoel ka abă'na otja'na : ,,Kadhi ponapa kaoelă panèka, ka' emmas ? Sèpat kaoela akompol sareng tjakantja, pas èadjhak amaèn sareng èlă-bălăi sapanèka : „ Orèng sè ta' enda' amaèn, aèp, sabăb sarat dhăddhi dhoenorra orèng, èpèntaè tolong ngala' patjopa'an, njolet roko' , aratjèk pèna'an sareng èn-laènna .” Saotta Radhin Hardjă : „,Pon dhina na, dji' , djhă' èdingngaghi. Maskè èkabăbă'ăghi orèng ta' dhăddhi napè, sokkor lalakon dhibi' bhai teppa '. Sanaddjhăn èdjă -moldjă orèng, mon kadhǎddhian pas njossaè ka bhadhăn dhibi', doe èkaghăbăjă napè ; sabab orèng katjalaka'an, sè polana tètèngkan ta' patot nèko , tadă' orèng nganèserrè otaba atolong, la-mala èbi-tjebbi sarta èsorakè orèng bănnja"." Kaotja'a Radhin Hardjă rèja bănnè orèng angko, sè ta' endǎ' akor ka orèng, otabă orèng bărikkèng, sanjatana orèng sè tjè' bhăghoessa tèn-atènna, ahli atotolong ka orèng kalaban lalakon otabǎ kalabǎn radjhekkè, tapè abă'na ta' enda' makalowar radjhekkè sè ta ' kalaban bădă parlona. Mon bădă kantjana sè nemmo pakèboe, abă'na ghellem atotolong sakellarra, ijă arèja atotolong lalakon otabǎ kalaban aberri' pèssè. Saopama băḍă
>
