răng sè korang ka Hamdăn, ngotja' korang rèja, taḍă' rowana, mènta ano băn èn-laènna. Anangèng Hamdăn ta ' ngennèng aberri', sabab pèssèna la tada ', mangka ngèndjhăm ka orèng laèn la ta' ollè . Bit-abit abă'na pas ènga' ka pèssè padjhek Molana abǎ'na pas tana ollèna naghi dări maghăr-sarèna. dhoeli maso' kaḍălem pangkèng katèḍoenganna, ngala' pèssè ghella' , èangghoejă. Nalèkana tanangnga èpanjeḍdhoek kaḍălem baḍdhăna pèssèna, njaptjap aèng matana , sambi akarennjet èḍălem atèna : „Saddjhegghǎ sèngko' ta' tao nemmo malo băn tjalaka' tjara satèja."
Kalaban talèbăt ennes atèna, aba'na pas ngala' pèssè djărèja, otja'na : ,,Doe èpabărămma'a mon la bărinna' , ontong kalèr mo-temmo èboedi."
Katjatora djhăng-ondjhănganna, sarrèna tabannja' ghǎlloe sè dateng, kongsè bănnja' sè ta ' mèlo ka ' -angka' , apa polè orèng doemè'na, maskè bhăngsa pardjădjina băḍă kèja sè ta' kadhoemanan, kongsè bădă sè ta ' mèlo kopi.bhălăkka' ; mènta'a, arassa todoes. Bada kèja orèng sè ghellem mènta'aghi, otja'na : „Ano ka'into ghi' ta' èatorè dha'ăr!"
Pas dhoeli èsaotè bi' sè andi' ghăbăj : ,,Mangkèn ngantos nasè', ghi' ta' massa'!"
Sanjatana ta' tjara djărèja, padjhăt taḍă' sè èangka'aghia ongghoe, marghǎ tako' taḍă' sè èangka’aghiă kalangghoeănna, kongsè sè andi' ghăbăj ngara'nga ' otja'na ; mon sè binè' taker pan-bărămpan kalè ta' ènga' orèng.
Amarghǎ djărèja Hamdăn ètja' -kotja'è orèng kongsè taḍă' karè. Tja'na sè sèttong : ,,Katèk bănnja' rarengkanna ronèro orèng laèn, bădă'ă ghăbăjjă apa ; doe apa parlona watmakowat, mon abă'na padjhat ta' andi'."
Sabǎnnè băḍă sè ngotja' bărijă : „Sènga tao djhă' ta' èka'angka’ana, engko' djhoe marloaghi èntar dă’anna”.”
Bhărèng la napa' ka dhăddhina ghăbăj, sakabbhiănna djhăng ondjhănganna, radja kènè', towa ngoḍă paḍă akompol, kongsè bengko băn tataroppa possa' bi' tamoj.
Dhinèng mèn- rammènna è băkto djărèja tjè' rammèna, sabăb sakabbhiănna padă èrakrak bhăngsa pardjadji . Tapè rèng sè andi' ghăbăj meng-ghimengngen, pèkkèrra lang-taèlang, njabǎna ondhoer dateng, margha mèkkèrè sè èkaghăntèa pèssè padjhek ghella', karana abă'na ta ' andi' tjagherrăn sakalè. Dhaddhi Hamdăn sè băḍă ghăbăjjă ghella' ta' anjama njarè kasennengnganna atèna, tapè pas ollè kasossa'an.
Kamalemmanna najoep talèbăt ramènna. Sakabbhiănna djhăng-ondjhănganna padă anga-bhoenga sè atangdhăng, sarta patangdhăngnga ngantjèng, tjegghoeloena ngabbhiăghi masè tjara sè mapotonga lè'èrra. Sè anḍi' ghăbăj ijă atangdhăng kèja, tapè pèkkèranna lang-taèlang, sarat ta' anḍi' atè èḍălem.
