Page:Arthur Hespel - L’émancipatieon des feimmes, 1901.djvu/45

From Wikisource
Jump to navigation Jump to search
This page has not been proofread.
— 44 —
Scène VIII
LES MÊMES, FERNAND, ALBERT
FERNAND (intrant avec Albert)

Si l'plan réussit, j' crois que m’ néonque i' n’ se vantra pos de s’ nuit d' noce.

ALBERT

Surtout motus: et même pos ein méot à nos feimmes.

FERNAND

Te viens séot ;... (s’ertournant) més téséons-nous, les v'à.

GABRIELLE

Nous avéons queusi nos champes, tertous su’ l'même pallier.

PALMYRE (à Albert)

Nous avéons l’ n° 4.

GABRIELLE (à Fernand)

Nous éautes l' n° 2.

BUNIOL (soupirant)

Et nous éautes l’huit.

ALBERT

Tins eine idée, l’ premier réveiller, ira décholler les éautes dins leu’ lit,

FERNAND

Et l' dernier déquindu pai'ra l' déjeuner.

OCTAVIE (à Buniol)

N' les laissez pos faire chà, is’ séont foutu d' nous déringer à tout moumint.

BUNIOL

Pos d' tout chà, j'aime mieux payer l' déjeuner et faire m' nuit tranquille.

PALMYRE

Ch'est conv'nu, nous n' déring'rons pos les amoureux trop bonne heure.

OCTAVIE

Avant d’ parler d’ nous réveiller, pinséoss à souper pour aller nous coucher.

GABRIELLE

Che n’s'réot pos eine mauvaise idée, et i' s'réot temps d'y pinser, i' est dix heures.

(Is' s'ormettent à l' table)