45
pagtamay!... Dili na siya angay pakita kang Leon,
ug, hinonoa, sama sa labing dakung makasasalá,
kinahanglan pa nga siya magapuyó na sa tago...
Alang kaniya, ang kinabuhí, mobiya na sa pagkasalag sa gugma, parayeg, awit, kalipay... kaniya
walá nay laing mapaabut, kung dili ang pagbisibis
na lamang sa mga luhá... Apan ang paglaban usab
sa iyang dungus, jay! maó kahá ang pagpakanaug
sa silot sa kamatayon alang kang Tan-Jantoy ug
Tan-Awing, kinsa unya, didto sa lubnganan, managpanghimaraut kaniya, tungud sa walá niya pagpesakit aron manguluwas ang ilang kinabuhí...
¿Unsay iyang buhaton?
¡Ug kinahanglan nga siya magadali, kay ang panahon, makusúg, nagalamoy sa takná, sa makalilisang takná nga gitagal ni Kapitan Peigg!
...Walá na kaha intawon make-antus si Sidíng sa hilabihang kasakit, milu-om na lamang paghilak...
Sa pagtan-aw ni-ini ni Kapitan Peigg, kini nakapalandong nga sa katapusan, ang babaying magahí, nahumok na gayud. Kinsa usab ang makasupak niadtong iyang hinigong pa-agí sa paghangyó?
Nagahinamhinám, daw kabayong nakabuhí, migunit sa kamot ni Siding, ug kay walá man kini molihok, migakús sa hawak niini, dungan ang pagpatik sa nawong sa usa ka mahangolong halók.
Daw bulkang mibató, ang pinugugang kasilag ni Siding mi-awas, ug sa kalit, ang iyang kamot, masipá, nahipatik sa nawong niadtong mapanamastamasong Kostables.
Dihadihá sila nagkabugnó.
