— 111 —
kót ng lubhang mahigpit at mabantóg sa kaniyang pagtuturo sa
iláng kátedra sa paaralang San Juan de Letrán. Bantóg siya sa
pagkamabuting manalita't mabuting pilosopo at isá sa mga may
mainam na maaasahan sa loob ng kaniyang pangkátin. Ang mga
matatanda'y may pagtingin sa kaniyá at kinaiinggitán siya ng
mga bata, sapagka't silá man ay mayroon ding pangkátpangkát. Yaón ang pangatlong taon na ng kaniyang pagtuturò at kahit ng taong iyón lamang siyá magtuturò ng
Písika at Kimika, ay kinikilala na siyáng marunong, hindi
lamang ng mga nag-aaral, kundi sampù ng mga kagaya niyang palipatlipat na mga propesor. Si P. Millon ay hindi
kabilang ng karamihang sa taóntaón ay palipatlipat ng
kátedra upang magkaroon ng kaunting pagkabatid sa karununğan, nag-aaral sa gitna ng ibang nag-aaral, na walang
pagkakaiba kundi ang pangyayaring iisang bagay lamang ang
pinag-aaralan, tumátanong at hindi tinatanong, may mahigit na
pagkabatid ng wikang kastilà at hindi nililitis pagkatapos ng taón.
Hinahalungkát ni P. Millon ang karunungan, kilala niyá
ang Písika ni Aristóteles at ang kay P. Amat; maingat niyang binabasa ang Ramos at maminsan minsan ay tumutungháy sa Ganot. Gayón man ay iginagalaw kung minsan ang
ulo na wari'y nag-aalinlangan, mánğinġitî at búbulong ng:
transeat. Tungkol sa Kimika, ay inaakalang mayroon siyang
di karaniwang kabatirán sapol noong, sa pag-alinsunod sa
isang banggit ni Sto. Tomás, na ang tubig ay isang halò, ay
maliwanag niyang pinatunayan na ang taga langit na doctor
ay nagpauna ng malaki sa mga Berzelius, Gay Lussac, Bunsen at iba pang materialista, na pawang may munti ó malaking kahambugán. Datapwa't kahit na naging propesor
sa Geografia ay mayroon siyáng mğa ilang pag-aalinlangan tungkol sa kabilugan ng mundó at gumagamit ng may makakahulugáng ngiti pagsasalita ng pag-ikit at pagligid sa araw, at
binábanggit yaóng:
- Ang sa bitûing pagbubulaa'y
- Isáng pagbubulaang mainam......
Ngumingiting may pakahulugán sa haráp ng ilang paghahakà tungkol sa pisika at inaakalang hibáng, kundi mán bangáw, ang hesuitang si Secchi, na umano'y ang pagputol nitó ng pariparisukát ea ostia ay anak ng pagkaguló sa astronomía, at dahil doón, ang sabi'y pinagbawalang mag-
