pisikal, sikolohikal o maraot na pagpapadusa sa kiisay man na preso
o detenido o an paggamit nin mga substandard o bakong tamang
pasilidades na penal na bakong makatawo.
Sek. 20. Daing tawo an kaipuhan prisuhon dahelan sa pagkakautang o dai pagbayad nin sedula.
Sek. 21. Daing tawo an kaipuhan tawan nin dobleng padusa sa parehong kasalan. Kun an sarong gibo pinadusahan kan ley asin kan ordinansa an pagkakundenar o pagkalibre sa irarom kan arin man kaini magiging kaolangan nin pagtao nin ibang demanda sa parehong kasalan.
Sek. 22. Dai nin ex post facto ley o bill of attainder an kaipuhan
na ipasar.
Seksyon 1. An mga minasunod iyo an mga syudadano kan Pilipinas:
(1) Itong mga syudadano kan Pilipinas kan imukna an Konstitusyon na ini;
(2) Itong an mga ama asin ina syudadano kan Pilipinas;
(3) Itong namundag antes kan Enero 17, 1973. Filipino an ina, na pinili an maging syudadanong Pilipino pag-abot sa mayoridad na edad; asin
(4) Itong mga naging naturalisado segun sa ley.
Sek. 2. An sarong tubong-aking syudadano iyo itong syudadano kan Pilipinas poon sa pagkaaki na dai na kaipuhan gumibo nin anuman na palakaw para makua o maging tunay an saiyang pagkasyudadanong Pilipino. Itong pumili kan pagkasyudadanong Pilipino segun sa parapo iisipon na naturalisadong syudadano.
Sek. 3. An pagkasyudadanong Pilipino pwedeng mawara o makua giraray segun sa paagi nin ley.
Sek. 4. An mga syudadano kan Pilipinas na maagom nin estrang hero mareretener an saindang pagkasyudadanong Pilipino, apwera kun sa saindang kagustuhan o pagkukulang sinda minimidbid, sa irarom kan ley, na matalikod sa saindang pagkasyudadano.
(3), Seksyon I kaina,
