SULTAN KUDARAT, saro (1)
Sek. 2. An Komisyon sa Eleksyon tinatawan nin poder na maggibo nin diit na pag-areglar sa pagbaru-baranga liwat sa ginibo digdi.
Sek. 3 An arin man na probinsya na mumuknaon pakalihis kaini, o an arin man sa syudad na an populasyon nadagdagan nin sobra sa dos sientos singkwenta mil kaipuhan magkaigwa nin sarong Myembro man lamang o siring man na bilang nin mga Myembro na pwedeng tawan segun sa bilang kan mga habitantes kaini asin segun sa mga susundon na nasa parapa (3), Seksyon 5 kan Artikulo VI kaining Konstitusyon. An bilang kan mga probinsya kun saen an bagong probinsya minukna o kun saen an syudad, na an populasyon nagdakulang marhay, na maheheling sa mapa, kaipuhan na ibugtak sa tamang lugar kan Komisyon sa Eleksyon, pero an nasambit na pagareglar kaipuhan dai paggibuhon sa laog nin siento beinte dias antes kan eleksyon.
Sek. 4. An ordinansang ini kaipuhan idagdag sa proponidong Konstitusyon kan 1986 Komisyon Konstitusyonal, asin kaipuhan isumiter sa sarong plebesito na kasabay kan siring na Konstitusyon, asin maepektwar tulos pakaratipikar kan mayoryang mga boto sa siring na plebesito.
Inadaptar: Oktubre 13, 1986.
Pinatotohanan:
