Sek. 17. Sagkod na an Kongreso dai nagtatao, an Presidente mare-
sibe nin taunan na sweldo na tres sientos mil pesos; an Bise-Presidente,
an Presidente kan Senado, an Ispiker kan Camara de Representantes,
asin an Namamayong Mahistrado kan Korte Suprema, dos sientos
kwarenta mil pesos kada saro, an mga Senador, an mga Myembro kan
Camara de Representantes, an mga Katabang na Mahistrado kan
Korte Suprema, asin an mga namamayo kan mga Komisyon Konsti-
tusyonal, dos sientos kwatro mil pesos kada saro; asin an mga Myem-
bro kan mga Komisyon Konstitusyonal, siento otsenta mil pesos an
kada saro.
Sek. 18. Sa pinakamadaling panahon, an Gobyerno kaipuhan itaas an mga eskala nin sweldo kan ibang mga opisyal asin mga emplyado kan gobyerno nasyonal.
Sek. 19. An gabos na propyedades, mga rekord, mga ekipahe, mga edipisyo, mga pasilidades, asin an iba pang mga pagsadiri kan ano man na opisina o grupo na naabolisar o nareorganisar sa irarom kan Prok- lamasyon No. 3 kan Marso 25, 1986 o kaining Konstitusyon, kaipu- han ibalyo sa opisina o grupo kun haen an mga poder, mga gibuhon, asin mga responsabilidad pareho.
Sek. 20. An primerong Kongreso kaipuhan tawan prayoridad an pagdeterminar kan panahon para sa hustong implementasyon kan libreng sekundaryang edukasyon publiko.
Sek. 21. An Kongreso kaipuhan magtao nin pinakamarhay na mga reglamento asin tamang mga remedyo sa pagbalyo sa Estado, kan ente- rong kadagaan na sadiri nin banwa asin an totoong diretso na katugod digdi na nakua dahil sa bayulasyon kan Konstitusyon o sa mga ley kan dagang publiko, o sa mga maraot na paagi. Daing transper o disposis- yon sa nasabing mga daga o mga totoong diretso an itatao sagkod dai minalapwas an sarong taon kan pagkaratipikar kaining Konstitusyon.
Sek. 22. Sa pinakamadaling posibleng panahon, kaipuhan ebalyo sa gobyerno an mga nakatigaya o abandonadong mga dagang agrikultural segun sa gustong sabihon kan ley tanganing maidistribwer sa mga benepisyaryo kan programang repormang agrarian.
Sek. 23. An mga grupo nin adbertaysing na apektado kan parapa (2), Seksyon 11 kan Artikulo XVI kaining Konstitusyon, tatawan nin
