Seksyon 4. An Estados kaipuhan maggibo, segun sa ley, nin programang repormang agrarian base sa diretso kan mga paralati asin kan regular na mga trabahador sa oma, na mga daing daga, na direkta o kolektibang makapagsadiri nin mga daga na saindang pigkukultibar, o sa kaso nin ibang paralati, makaresibi nin tamang parte kan mga ani hale digdi.
Sa katuyuhan na ini, kaipuhan mag-enganyar an Estado asin magtao nin pararehong distribusyon kan enterong dagang pang-agrikultural, sa paagi kan mga prayoridad asin rasonableng mga retensyon sa paglimitar kaini segun sa itinatao kan Kongreso, na ikunsiderar an mga panga ngaipong ekolohikal, pagpauswag, o hustong mga insentibo, asin sa paagi kan makahustisyang bayad. Sa pagdeterminar kan mga retensyon na sukol, kaipuhan respetaran kan Estado an mga diretso kan mga saradit na tagsadiri nin daga. Kaipuhan pa man na an Estado magtao nin mga insentibo para sa boluntaryong pagbarubaranga nin daga.
Sek. 5. Kaipuhan midbidon kan Estado an diretso kan mga paraliti; mga trabahador sa oma, asin mga tagsadiri nin daga, siring man an mga kooperatiba, asin iba pang mga independyenting organisasyon nin paralati na magpartisipar sa pagplano, pagorganisar, asin pagpalakaw kan programa, sagkod magtao nin suporta sa agrikultyur sa paagi nin tamang teknolohiya asin pagsiyasat, asin hustong mga serbisyong pinasyal, produksyon, pamamakal, asin iba pang serbisyong tabang.
Sek. 6. Kaipuhan iaplikar kan Estado an mga prinsipyo nin repormang agrarian o pag-administrar, kun mapupwede, segun sa ley, sa pagbaranga o paggamit kan iba pang mga rekurso naturales, sagkod an mga kadagaan na sadiri nin banwa sa paagi nin lease o konsesyon na sutable sa agrikultyur, sa irarom kan enot na mga diretso, diretso sa homestead kan saradit na mga paralati, asin an diretso nin mga minoryang komunidad sa saindang nairedar na mga daga.
An Estado pwedeng paestaron an mga paralati asin an mga paratrabaho sa oma na daing daga sa mga estadong agrikultural na ididistribwir sainda sa paaging itatao kan ley. Sek. 7. An Estado kaipuhan tawan proteksyon nin diretsong man dakop-sira an mga parasira, lalo na sa mga komunidad lokal, sa mga katubigan komunal asin sa iba pang makukuwaan nin mga sira, magin sa tabang asin sa dagat. Kaipuhan na matawan suporta an mga para-
