arinman na partido, organisasyon o koalisyon na pampulitika, apwera
sa pwedeng itao kan Konstitusyon na ini sa irarom kan programang
partidong listahan.
Sek. 8. An mga partido o organisasyon, o koalisyon pampulitika na nakarehistro sa irarom kan sistemang partidong-listahan dai dapat magkaigwa nin representante sa mga hunta nin pagrerehistro kan mga botante, sa mga hunta kan mga inspektor sa eleksyon, sa mga hunta kan mga para bilang, o sa iba pang siring na mga grupo. Siring man, sinda dapat tawan nin diretso na magnombrar nin mga bantay-eleksyon segun sa ley.
Sek. 9. Apwera kun laen an itinatao kan Komisyon sa mga espesyal na kamugtakan, an panahon nin eleksyon dapat mapoon nobenta dias antes kan aldaw kan eleksyon asin dapat matapos treinta dias pakalihis kaito.
Sek. 10. An mga kandidatong bona fide para sa anuman na publikong opisina kaipuhan na libre sa anuman na porma nin panbubulabog asin diskriminasyon.
Sek. 11. Kaipuhan magtagama sa regular o espesyal na mga pondo na sertipikado kan Komisyon kan kinakaipuhan na panggastos sa pagkakaigwa nin mga regular o espesyal na eleksyon, mga plebesito, mga inisyatibo, mga reperendum, asin mga recall asin, sa oras na maaprobaran, kaipuhan na ipaluwas tulos sa paagi kan sertipikasyon kan Tagapamayo kan Komisyon.
Seksyon 1. (1) Kaipuhan magkaigwa nin sarong Komisyon sa Awdit na kompwesto nin sarong Tagapamayo asin dwang Komisyunado, na dapat tubong-aking syudadano kan Pilipinas asin, sa panahon nin saindang nombramyento, treinta'y singko anyos an edad, mga certified public accountant na dai makulang sa sampolong taon an iksperyensya sa pag-awdit o myembro kan Philippine Bar na nagpraktis bilang abogado sa laog nin sampolong taon man sana asin maski noarin dai naging kandidato sa anuman an elehidong posisyon sa nakalihis na eleksyon, antes kan saindang nombramyento. Maski noarin dai dapat na magkapareho an propesyon kan gabos na Myembro kan Komisyon. (2) An Tagapamayo asin an mga Komisyunado kaipuhan nom-
