ley na minaapod nin espesyal na eleksyon tanganing mag-elehir nin
sarong Presidente asin sarong Bise-Presidente na gigibuhon nin dai
maatab sa kwarenta'y singkong aldaw o dai masobra sa sisentang aldaw
poon sa panahon kan pag-apod kaito. An proponidong ley sa pag-apod
kan espesyal na eleksyon ipapamugtak na sertipikado susug sa parapa
2, Seksyon 26, Artikulo VI kan Konstitusyon na ini asin kaipuhan
maging ley matapos apropabaran sa ikatolong pagbasa kan Kongreso.
An apropryasyon para sa espsyal na eleksyon kaipuhan kwaon sa
arinman na presenteng apropryasyon asin dai dapat sakupon kan mga
enot na kinakaipuhan na itinao kan parapa 4, Seksyon 25, Artikulo
VI kan Konstitusyon na ini. An nagmimiting na Kongreso dai pwedeng
suspendihon o iaktaba an espesyal na eleksyon. Dai dapat mag-apod
nin anuman na espesyal na eleksyon kun an pagkabakante nangyari sa
laog nin syento otsenta dias antes kan petsa kan masunod na eleksyon
pampresidente.
Sek. 11. Engkaso man an Presidente magpadara sa Presidente kan Senado asin sa Ispiker kan Camara de Representante kan saiyang naka- surat na deklarasyon na dai niya kayang gibuhon an mga poder asin obligasyon, asin sagkod na dai siya minapadara sa sainda nin nakasu- rat na kontra sa deklarasyon, an siring na mga poder asin obligasyon kaipuhan gibuhon kan Bise-Presidente bilang minaaktwar na Presi- dente.
Kun an mayorya kan gabos na Myembro kan Gabinete nagpadara sa Presidente kan Senado asin sa Ispiker kan Kamara de Representante kan saindang nakasurat na deklarasyon na dai kayang gibuhon kan Presidente an mga poder asin obligasyon kan saiyang katongdan, an Bise-Presidente an dapat mag-asumir tulos kan mga poder asin obligas- yon kan katongdan bilang mina-aktwar na Presidente.
Pakatapos kaito, kun an Presidente nagpadara sa Presidente kan Senado asin sa Ispiker kan Camara de Representante kan saiyang nakasurat na deklarasyon kan iksisting anuman na daing abilidad, siya maasumir giraray kan mga poder asin obligasyon kan saiyang katongdan. Para myentras, kun an mayorya kan gabos na Myembro kan Gabinete magpadara sa laog nin limang aldaw sa Presidente kan Senado asin sa Ispiker kan camara de Representante kan saindang nakasurat na deklarasyon na an Presidente dai nakagibo kan saiyang katongdan, an Kongreso madesisyon kan isyu. Para sa katuyuhan na yan, kaipuhan magmiting an Kongreso sa laog nin kwarenta'y otso oras, kun ini dai nin sesyon, susug sa mga reglamento kaini asin dai na kaipuhan apodon.
