sominabi, Amâ co, cun ining copa day mangyayaring macaagui, na day co ini inomon, guibohon mo an boót mo.
43 Asin napadigdi sia liuat, nadatgñan sinda nagcacatorog; huli ta an saindang magña matá nagagabatan sinda.
44 Asin binayaan nia sinda liuat, napadumán sia, asin namibí liuat nin icatoló na isinabi guiraray an siring na magña tataramon.
45 Dagñan napadigdi sa saiyang magña discipulo, asin nagsabi sainda, Magcaratorog na camió asin magpahigñaló na. Uya digdi, an oras harani-na, asin an Aqui nin tano ipapasaloib sa magña camót nin magña paracasalá.
46 Magbaragñon camó, madiá camó; uya digdi, naghaha- rani idtong magpapasaloib sa sacó.
47 Asin can sia nagtataram pa, uya digdi, na si Judas saro nin si cagduá, napadigdi; asin cairiba nia an sarong daculang cadaclán, na may magña minasbad asin magña sanulig, sa gñaran nin magña poón nin magña sacerdote asin magña camaguragñan nin banua.
48 Asin an magpapasaloib saiya tinauan sinda nin sarong tanda, na nagsabi, An sacong hadocan, iyo idtó; dacopon nindo sia.
49 Asin iyo idtó nagdoloc sia qui Jesús, na sinabihan, Salve, Maestro, asin hinadocan sia.
30 Asin si Jesús sinabihan sia, Catood, ¿sa anong dahelan an pagpadigdi mo? Dagñan nagdaratong an magña iba, asin pinagdoromogan si Jesús, asin pinagdaracop sia.
51 Asin, uya digdi, an sarò sa magña cairiba ni Jesús, hinonat an camót, guinabot an saiyang minasbad, asin linugad an oripon nin orog cadaculang sacerdote, na napalogñan sia nin saiyang taligña.
52 Dagñan nagsabi saiya si Jesús, Ibalic mo an minasbad mo sa saiyang namomogtacan; huli ta an gabos na magña nagcacapot nin minasbad, sa minasbad magagadan.
