46 Paladan idtong oripon, na cun domatong an saiyang cagurangnan madatgñan sia na nag-guiguibo nin siring.
47 Sa catotooban, sasabihan co camo, na ibubugtac nia sia sa ibabao nin saiyang gabos na magña rogaring.
48 Tará cun idtong maraot na oripon magsabi sa saiyang puso: An sacong cagurangnan mahahaloy an pagdigdi.
49 asin magpoon sia na maquigiual sa saiyang magña capuáoripon, asin magcacan, asin maginom cairiba can magña lagñó ó borat ;
50 madigdi an cagurangnan caidtong oripon sa aldao na day nia pinaghahalat, asin sa oras na day nia naaaraman,
51 asin babampacon sia, asin ibibilang an saiyang cabtang sa caiba nin magña para-saguin-saguin: dihan an pagtagñis asin an pagragot nin magña gñipon.
1 An cahadéan nin calagñitan nacacaaguid gñaui sa sangpolong daraga, na quinuá an saindang magña ilauan, nagruluas ta sasabaton an agom.
2 Asin an limá sa sainda magña mangmang, asin an limá magna masoripot.
3 Si magña mangmang, can pagcurua can saindang magña ilauan, day nagdarará sinda nin lana:
4 alagad si magña masoripot, nagdarará nin lana sa saindang magña lalâgan, cairiba can saindang magña ilauan.
5 Nahaloy gñani an agom, nagturungca-na an gabos na daraga, asin nagcaratorog.
6 Tará can pagmatagñang bangui may nagcurahao, na nagsasabi, Uya digdi na nagdadatong an agom, magruluas camo sa pagsabat saiya.
7 Dagñan idtong gabos na magña daraga nagburuhat asin nag-arandam can saindang magña ilauan.
