21 Asin si cagduang tatá baga anan na cagduang perlas, sa lambang saro, igua nin sarô; si lambang tatá baga siring sa sarong perla. Asin si lansagñan nin si ciudad anan na anas na bulauan siring can salming na masilag.
22 Asin day aco nacaquita dian sa saiya nin Simbahan; huli ta an Dios na Cagurangnan asin macacamhan iyo an simbahan nia, patin an Cordero.
23 Asin itong ciudad day nagcacaipo nin aldao ó init, minsan bulan, na lomiuanag dian sa saiya: huli ta si caliuanagan nin Dios nacaliuanag sa saiya, asin an Cordero iyo si saiyang ilao.
24 Asin si magña naciones na nagpacaligtas maglalacao sinda dian sa caliuanagan nia: asin an magña hadê nin dagâ dadarahon si saindang camurauayan patin camahalan ninda.
25 Asin an saiyang magña tatá day sagcod pagpintôan con aldao huli ta dian day mayo nin bangui.
26 Asin dadarahon an camurauayan asin cagalagñan nin magña naciones sa saiya.
27 Day macacalaog dian sa saiya an anoman na bagay na maatí ó maramog, ó na macacabaldi asin caputican; condi ito sana na magña násusurat sa libro nin pagcabuhay nin Cordero.
1 Pacatapus ipinahayag sa sacuyá si sarong sálog na malinig na tubig nin cabuhayan, nagquiquintab na siring sa salming, na nagluluas halê duman sa trono nin Dios asin nin Cordero.
2 Sa tagñá nin si saiyang lansagñan ó natad, asin sa sarô patin sa ibong na lado can sálog, itoon duman an cahoy nin cabuhayan, na igua nin cagduang bugña, nagtátao sa lambang bulan nin saiyang bugña: asin si magña dahon nin si cahoy anan na macacaomay sa magña naciones.
3 Asin day na sagcod lamang nin maldicion; condi na an trono nin Dios asin nin Cordero mapapaontoc dian sa saiya, asin si saiyang magña oripon paglilingcodan sia.
4 Asin macacahiling can saiyang lalaugon; asin an saiyang gharan matatala dian sa saindang magña agñog.
