diademas ó sirang; asin igua nin sarong paggñaran na násusurat na day nin siysay man na nacacasabot condi sia man sana.
13 Asin nagugubigñan nin sarong gubing na tininâ nin dugo: asin si saiyang gñaran pinag-aapod na "An Verbo nin Dios."
14 Asin si magña ejercitos na nasa sa lagñit nagsosonod sa saiya nagcacarabayo sa cabayong imagña maputi, magña nagugubigñan nin finohon na lino, maputi asin malinig.
15 Asin sa saiyang gñoso nagluluas si sarong espadang matarom, sa paglugad caiyan sa magña tauo: asin sia sasacopon sinda can sarong baston ó socolan na lansang; asin sia binabatayan an higpitan nin arac nin cacurihan, asin nin caangotan nin Dios na Macacamhan.
16 Asin sa gubing nia asin sa saiyang paa ó piad násusurat ining pag-gñaran na ini: HADE NIN MAGNA HADE ASIN CAGURANGNAN NIN MAGNA CAGURANGNAN.
17 Asin nacabiling aco nin sarong ángel na daduman sa aldao, asin nagcurahão sa daculang tigñog, na nagsasabi sa gabos na magña gamgam na naglalayog sa tagña nin lagñit: Madya camo asin magtiripon camo sa panhapon nin daculaon na Dios.
18 Gñaning macacacan çamo nin magña laman nin magña hade, asin nin magña capitanes, asin magña laman nin magña macocosog, asin magña laman nin magña cabayo, asin nin si magña nagtutucao ó nagcacabayo sa ibabao ninda; asin can magna laman nin gabos, minsan magña daing cagsacop asin minsan magña oripon, magña laman nin magña sadagñoton patin magña daraculaon.
19 Asin nahiling co si hayupan, asin si magña hadê sa dagâ patin si saindang magña ejércitos, nagcacatiripon sa paquipaglaban tumang caitong nagtutucao sa ibabao nin si cabayo, asin tumang sa saiyang ejército.
20 Asin si hayupan nabilangô ó nadacop asin sa caibahan nia si putic na profeta na guiminibo can magña tandâ sa atubang nia, na huli caiyan nacadaya sa magña nagñagcua can tandâ nin hayupan, asin nagñagsamba can saiyang ladauan. Ining duang ini anan na pinanholog sa laog nin sarong dánao na calayo na naglalaad sa azufre.
