20 Magogma ca dapit sa saiya, lagñit, asin camo, magña antos, magña apóstoles, patin magña profetas; huli ta an Dios sinigñil nia si saindong dugo dian sa saiya.
21 Asin sarong ángel na marigon cominua nin sarong gapo na siring sa sarong daculang gapô nin guiligñan, asin hinolog ito duman sa dagat, na nagsabi: Sa padale magagaba an Babilonia, itong daculang ciudad, asin day na sagcod magui- guimalican ó macúcua.
22 Asin an tigñog nin magña paratogtog nin magna arpa, asin nin magña músicos, asin nin magña parahayop nin flauta asin nin trompetas, day na sagcod lamang madadagñog dian sa sayo; asin si gabos na magña panday sa anomian na guibo- guibo, day na macúcua dian sa saymo; asin an ragot nin bâ- gang day na sagcod madadagñog dian sa saymo:
23 Asin an liuanag nin ilao day na macacaliuanag dian sa saymo sagcod; asin an tigñog nin agom na lalaqui minsan pa agom na babae day na dian sa saymo madadagñog; háros ta si saymong magña parabalidyâ iyo sinda si magna mapang- yari sa dagâ; huli ta dian sa saymong magña carigsocan an gabos na magña tauo nagcaralagalag.
24 Asin dian sa saiya nácua si dugo nin si magña profetas asin nin si magña santos patin nin si gabos na magña guinara- dan sa dagâ.
1 Pacatapus can magña bagay na ini, nacadagñog aco nin sarong daculang tignog nin dacolon na pagiriba duman sa lagñit, na nagsasarabi: Aleluya: Au caligtasan, asin an ga- lang asin an camuradayan patin an capangyarihan macamtan logod nin satuyang Cagurangnan na Dios.
2 Huli ta an saiyang magña paghocom anan na magña totoo asin matanos; huli ta hinocoman nia itong daculang marompoton (na ciudad), na rominatac can daga huli can sai yang pagsambayan na marigsoc, asin sinigñil nia si dugo nin si saiyang magña oripon sa saiyang camot
