5 Asin pacatapus can magña bagay na ini, lomignoy aco, asin uya digdi an Simbahan nin si tabernáculo nin pagpatotoo nabucasan duman sa lagñit;
6 Asin nagpanruluas sa Simbahan an pitong ángeles, na iguang magña dará na pitong hampac, asin naggugubing nin sarong lino na maputi asin malinig, asin iguang magña hagcos sa palibot nin si magña daghan na magña bandang bulauan.
7. Asin sarô nin si apat na hayupan timinao sa pitong angeles nin pitong copang bulauan, anan panô nin caangotan nin Dios, na nabubuhay sagcod lamang.
8 Asin si Simbahan napanô nin asó huli can Capangyarihan nin Dios, asin huli can saiyang cabagsican; asin day nin siysay paman na macacalaog duman sa Simbahan, sagcod na maotob si pitong hampac nin si pitong ángeles.
1 Asin nacadagñog aco nin sarong daculang tignog sa Sinbahan, na nagsasabi sa pitong ángeles: Lacao_camo, asin uaracan nindo an pitong copa nin caangotan nin Dios sa ibabao nin daga.
2 Asin dagos nin si sarò, asin ininarac ó inulâ ai saiyang copa sa ibabao nin dagâ; asin dimintong an sarong hampac na maraot asin macacaratac sa magňa tauo na igua can tandâ nin si hayupan, asin sa magña nagsasamba can saiyang ladauan.
3 Asin si icaduang ángel iuinarac si saiyang copa sa ibabao nin dagat, asin naguing dugo siring sa sarong gadan; asin si gabos na calag na nabubuhay nagadan duman sa dagat.
4 Asin si icatolong ángel inulâ si saiyang copa sa ibabao nin si magña sálog, asin sa ibabao nin si magña burabod nin magña tubig, asin naguing magna dugo.
5 Asin nadagñog co si ángel sa magña tubig, na nagsabi: Matanos ca, oh Cagurangnan, na iyo nangayod ica, asin poon caidto, an Santo, huli ta hinocman mo ining magña bagay na ini:
