incontocan, linaen sinda sa irarom nin cadicloman sa magña
bilangoan na mayó. nin hangan sagcod sa paghocom sa
gñagñalasan na aldao:
7 Siring can Sodoma asin can Gomorra, patin si magña ciudades na cararani, na sinda sa bagay nan sana na pagsasambayan ninda, asin nagñagsonod sa laman na bacong rogaring, anan na magña ibinugtac na maguing halimbaua o arogan, na magtios can paghocom nin calayong daing catapusan.
8 Siring man sana ining magña parapagñatorogan dinidigtáan an laman, asin binabasangbasang ó isinisicual an capangyarihan, asin pinagoologolog an magna capangyarihan na haralangcauon.
9 Alagad nin si paquiglaban ni arcángel Miguel sa diablo, na nagpapasubay o nagpapaágao dapit can hauac ni Moisés, day nangñahas na gornamit nin paghocom sa pagpacaraot tumang sa saiya, condi na nagsabi: An Cagurangnan saguéon ca logod.
10 Alagad ining magña ini nagtataram nin maraot sa magña bagay na day namimidbid; asin an magña bagay na sa caugaléan namimidbid, nagcacarasalâ dian caiyan, siring sa magña hayupan na daing pagisip.
11 ¡Ay herac man sa sainda na nagñagsonod can dalan ni Cain, asin nagpacanagap sa casálan ó pagcalagalag ni Balaam huli sa cabayaran, asin nagcagaradan sa capanuhayan ni Coré.
12 Ining magña ini iyo an magña digtá dian sa saindong magña caogmahan, na naquíquipagcacan sa caibahan, na nagpapacangbasog sa sainda man sana mayó nin anoman na pagcatacot: magña pagñanoron na mayó nin tubig, na iyan anan na nagña pinagpaparalid palid ó tinatalbo minsan sain can magña doros: magña cahoy na nagaalang con panahon nin init, mayó nin bugña, macaduana pagcagaradan asin nagcaburuhal si magña gamot;
13 Magña onos na marigonon nin dagat na isinusuluac ó isinosobó an sainda man sanang sadiring magña cababaldían; magña lagalag na bitoon, na sa sainda na tatalaga sagcod lamang an cadicloman nin magña dampog.
