17 Huli ta orog ca rahay iyan na magtios camo sa pagguibo nin carabayan, con an boot nin Dios siring an boboton niya, qui sa magguibo nin miarao 18 Huli ta si Cristo man nagtios macasaró hulí can magña casálan, si banal huli sa magña paracasálá, sa pagdara sa satuyá sa Dios, buli ta sa catotoohan gadan sa laman, alagad bínuhay sa espíritu;
19 Na dían man napaduman asin naghulit sa magña espíritus na nabibilangó;
20 Na sinda can sarong panahon anan na magña masumbical, nin si macasaró naghahalat can pacatíos nin Dios can magña aldao ni Noé, nin si pinagaandam si sasacyan ó arca; na dian caiyan cacadiquit, na iyo, si ualo catauo si magña nagpacaligtas huli can tubig.
21 Sa lauog caiyan an pagbuniag ó bautismo na manogñod gñunian iliniligtas quita (bacong sa paghalé can magña ramog nin laman, condi siring sa paghagad nin sarong marhay na pacatalastas sa atubang nin Dios,) huli can pagcabuhay liuat ni Jesucristo:
22 Na siya yaon sa totoo nin Dios, pacasacat sa lagñit; na nacucuyog sa saiya an magña ángeles, asin an magña potestades patin an magña virtudes ó an magña capangyarihan patín magña cabagsican.
1 Huli ta si Cristo nagtios dahel sa satuya sa laman, camo man magñagcalasag camo can caisipan man sanang iyan: na an nagtios sa laman, ominontoc na sa casálan;
2 Tagñaning an panahon na natatadá sa laman, mabuhay na, alagad bacong sa magña pagmauot nin hauac nin magna tauo, condi sa cabótan nin Dios.
3 Háros ta maninigo sa satuyá na can enot na panahon nin satuyang buhay naguinibo niato si cabótan nin magña Gentiles con naquiquipagibaiba quita sa magña carompotan, sa magña paghorot nin hauac, sa magña pagbuburat, sa magña
