23 Siysay itong con tinataraman siya nin maraot day minabalos nin tataramon man na maraot; con nagtitios, day naghohomâ ó nagpapatacot, condi ídínodoloc an capauotan ó dahelan sa naghohocom sa catanosan:
24 Na siya man sana dinará si satuyang magña casalan sa saiyang hauac sa ibabao nin crúz, tagñaning quita na magña gadan sa magña casálan, mabuhay quita sa catanosan: na huli can lugad niya anan camong nagcaoromayan.
25 Huli ta camo siring sa magña ovejas na nagpacauarac; alagad gñunian nagñagbalic camo sa Nagaataman asin Obispo nin saindong magña calag.
1 Siring man sana camo, magña babae, magñagcuyog camo sa saindong magña agom na lalaqui; tagñani man na si magña day minatubod sa tataramon, magcadarara na day sanang tataramon huli sa pagolayolay nin si saindang magña agom na babae,
2 Na honahonaon an saindong mabining paquigolayolay, na iyo itong sa catacutan.
3 Na an samno ninda day maguing sa luas na magpacorong can bohoc, asin maguing samnong bulauan, minsan pa sa camugtacan ó pagcasocol nin magña gubing;
4 Condi an tauo na igua nin pusó na yaon naririmpos, sa day nin pagcatunao na samnó nin espíritu na maogma asin matiuasay, na iyan iyo an daculá an halaga sa atubang nin Dios.
5 Huli ta siring man caiyan nagsasamno can enot na panahon itong si magña banal na magña babae na naghaharalat sa Dios, minsan nagñagcucuyog sinda sa saindang magña agom na lalaquí:
6 Siring qui Sara nagcucuyog sa qui Abraham, na pinag-aapod niy siyang cagurangnan; na sa saiya ó sa qui Sara camo anan na guinibong magña áquí, sa pagguibo nin marhay, asin day camo macubhanan can anoman na cahandalan.
7 Camo magña agom na lalaqui sa cabaing man sana, maquisomaró camo sa sainda siring sa pacatalastas, na magtac
