666I SAN PEDRO 1 & 2.
paquigolay camo sa catacutan sa bilog na panahon nin saindong pagcabuhay:
18 Sa pacatalastas na anan camong binalucat sa saindong hamac na paquigolay, na iyan inacó nindo sa saindong magña magurang ó caganác, bacong can magña bagay na matutunauon, na siring can bulauan ó can plata;
19 Condi can dugong mahalaga ni Cristo, na siring sa sarong cordero na mayó nín digta, asin day naolactan:
20 Ipinagboot na sa enot pa can pagtogdasa can quinában, alagad ipapahayag sa magña huring panahon huli sa pagcamoot sa saindo,
21 Na huli sa saiya nagñagtubod camo sa Dios, na siya iyo si nagpabuhay liuat (qui Jesús) sa magña gadana, asin timinao sa saiya nin camurauayan, tagñaning an saindong pagtubod asin paglaom mapanogñod sa Dios ó mapadian sa Dios.
22 Na pacahugasi can saindong magña calag dian sa pagsonod sa catotoohan, huli can Espíritu, sa pagcaherac na sa tugang na day mayó nin pagsaguinsaguin, magcamorootmootan camo nin todoc sa pusong bolaos ó dalisay :
23 Na anan magna ipinagñaqui camo liuat, bacong guican sa guinicanan na matutunao, condi sa day nin pagcatunao, huli sa tataramon nin Dios, na nabubuhay asin nagdadanay sagcod lamang.
24 Huli ta an gabos na lamnan anan na siring sa doot, asin an bilog na camurauayan nin tauo siring man sa burac nin doot naalang si doot, asin si burac naricdag;
25 Alagad an tataramon nin Cagurangnan magdadanay sagcod lamang. Asin ini iyo an tataramon na huli can evangelio ipinagbalagñibog sa saindo.
1 Con pabayaan nangayod an gabos na pagcasalá, asin an gabos na dayá, asin magña pagsaguinsaguin, asin magña caurihan, patin an gabos na magña pagpapacaraot,
2 Magmauot camo, siring sa magña aquing bagong mamundag; can gatas na sa espíritu ó sa calag, day nin dayá,
