SANTIAGO 2.667
16 Asin an saró dian sa saindo sabihan sinda: Lacao na camo sa catoninogñan, magñagpaimbong camo asin magpacabasog camo; alagad day nindo sinda tatauan can magña bagay na anan na macacaipuhan manogñod sa hauac: ¿ano an papaquinabagñon?
17 Siring man an pagtubod, con day mayó nin magña guibo, gadan iyan sa saiya man sana.
18 Alagad an siysay man magsasabi: Ica igua cang pagtubod, asin aco igua nin magña guibo: pahayagan sa sacó dao an saymong pagtubod na mayó cang magña guibo, asin aco ipapahayag co saymo an sacuyang pagtubod huli can sacuyang magña guibo.
19 Ica nagtutubod na an Dios saró sana; marhay an guiniguibo mo: an magña demonios man minatubod, asin tinataquigan.
20 Alagad boot mong maaraman, tauong hamac, na an pagtubod con day ibanhan nin magña guibo bilang sa gadan?.
21 Day pinapagcanigó huli can magña guibo si Abraham na amá niato, nin si idinolot si saiyang áquí na Isaac sa ibabao nin si altar?
22 ¿Day mo nahihiling na an pagtubod nangyari huli can saiyang magña guinibo, asin na an pagtubod nahaman ó nahusay huli sa magña guibo?
23 Asin naotob si Casuratan na an olay: Si Abrabam nagtubod sa Dios, asin ibinilang sa saiya sa catanosan, asin inapod siyang catood nin Dios.
24 Naquita na nangayod nindo, na an tauo pinapagcanigó huli sa magña guibo, asin bacó sanang huli sa pagtubod nangayod.
25 Siring man sana si Rahab na oragon, ¿day pinapagcanigó huli can magña guibo, nin si inacó niya si magña sinogó, patin ipinanicual niya sa luas pasiring sa ibong na dalan?
26 Huli ta con an hauac mayó nin espíritu ay gadan iyan, siring man sana an pagtubod con day ibanhan nin magña guibo gadan man. .
