HEBREOS 13.651
6 Malá gñani ta macapagsabi quita sa capanarigan: An Cagurangnan iyo an sacuyang paratabang; day aco matatacot can guiguibohon sa sacuyá nin tauo.
7 Pagguiromdom camo can saindong magña nagñagñataman, na nagtararam sa saindo can tabaramon nin Dios; an pagtubod ninda arogon nindo, na paghorop-horopon con arin si carahayan nin si saindang gaüé-gaüé.
8 Si Jesucristo iyo man sana siya casoodma, asin gounian, patin sa magña panahon.
9 Day logod camo mapagdaradara paghalé digdi pasiring duman huli sa magña doctrinas ó pagtotocdó na manlaen-laen asin bacong rogaring; huli ta marhay na bagay na magóyón an pusó dian sa biyaya, bacong sa magña cacanon na day sagcod nacapaquinabang si magña nagñaglacao dian caiyan.
10 Igua quitang sarong altar na dian caiyan mayó nin. capangyarihan sa pagcacan si magña naglilingcod sa tabernáculo.
11 Huli ta si magña hauac can inagña hayupan na ito, na si saindang dugó isinalac huli can casálan sa santuario can pontífice, anan na sinolóan sa luas can cahadéan ó tátá nin banuáan.
12 Nin huli man caiyan si Jesús sa pagpacangmahal can banuáan huli sa sadiri niang dugó, nagtios sa luas nin si tátá.
13 Lumuas nangayod quita pasiring sa saiya sa luas nin puerta ó tátá, na darahon an saiyang pagolog-olog.
14 Háros ta mayó quita digdi nin banuaan na magdadanay, condi hinahanap niato itong madatong.
15 Cayá gñani na, magñagdolot quita sa ganan sa pagtabang niya guiragay sa Dios nin atang sa pagomao, na con sa casayuran, an bugña nin magña gñabil na magboyboy can saiyan gñaran.
16 Asin sa pagguibo nin marhay asin can pagpaquisomarú sa paquinabang day camo nangayod magligñao: háros ta sa magña siring na pagatang naoogma an Dios.
17 Cumuyog camo sa saindong magña parapagñataman, asin pomasacop camo sa sainda; buli ta sinda naghihigñat can saindong magna calag, nin siring caitong magña iyo an mag-
