646HEBREOS 11.
22 Huli sa pagtubod si José, nin si naghihigagdana, nacaguiromdom can paglacao nin si magna áquí ni Israel; asin timinao nin pagboot dapit can saiyang magña túlang.
23 Huli sa pagtubod si Moisés, pagcamundag, tinagó su saiyang magña caganác sa laog nin tolong bulan, huli ta nahiling siyang magayonon na áqui: asin day nagcataracot can pagboot nin Hadé.
24 Huli sa pagtubod si Moisés, nin si daculá na siya, nagsayuma na paggñaranan siyang áquí can áquing babae ni Faraón;
25 Na pinili niya na marhay pang pamondóon ó pagsaquiton sa caibahan can banuáan nin Dios, qui magpaquinabang nin magña marhay na camugtacan na magña águi sana sa pagcasalá.
26 Na ibinilang niyang magña orog cadadaraculang cayamanan an pagologolog qui Cristo sa magña rimpos na cayamanan nin magña Egipcios; huli ta naghihiling siya sa balos ó catognod.
27 Huli sa pagtubod binayáan si Egipto, na day natacot can caangotan nin Hadé; háros ta nagtagal siring sa naquiquita niya itong day naquiquita.
28 Huli sa pagtubod guinibo an páscua asin si pagpabolos nin si dugó, tagñaning itong minagadan can magña mátua day sinda pagdoónan.
29 Huli sa pagtubod nagñagdaraquit sa dagat na Bermejo siring sa dagang hubás ó mamará: na nin si ominarog man caiyan si magña Egipcios, nagcaralantopan ó nagpanlonod sa irarom.
30 Huli sa pagtubod nagcahorolog si magña paril na cotá sa Jericó pagcapagrilibote iyan sa laog nin pitong aldao.
31 Huli sa pagtubod si Rahab na oragon ó ramera day nagadan sa caibahan nin si magña day minatubod, pacapagacóa niya can magña nagmamasid sa catoninogñan.
32 Asin ano pang sasabihon co? háros ta an panahon magcuculang sa sacuyá na magbaretá dapit qui Gedeón, qui Barac, qui Samsón, qui Jephté, qui David, qui Samuel, patin can magña profetas:
