644HEBREOS 11.
1 Cayá nangayod an pagtubod iyo an catunayan nin magña bagay na pinaghahalat, an capahayagan niin si magña bagay na magña day naquiquita.
2 Háros ta huli caiyan nagñagpacaabot nin pagpatotoo si magña casoanoy na tano.
3 Huli can pagtubod natalastas niato na nasangcap ó nahaman an magña panahon huli sa tataramon nin Dios, na naguinibo itong naquiquita, caitong day naquiquita.
4 Huli can pagtubod si Abel nagdolot sa Dios. nin orog cadaculang atang sa qui Caín, na nin huli caiyan nacaabot nin pagpatotoo na siya banal, ta tinauan nin Dios nin pagpatotoo sa saiyang magña pacaguiromdom; asin minsan gadana, naṇanabihan pa iyan.
5 Huli can pagtubod si Enoc tinagó ta-gñaning day macabiling can cagadanon, asin day nacua, huli ta tinagó siya nin Dios. Asin nin si day pa natatagó, nagcamit nin pagpatotoo na siya nacapasonó sa Dios.
6 Alagad con mayó nin pagtubod day mahihimo na macasonó sa Dios; háros ta caipuban na itong minapaampon sa Dios, tumubod na yaon sa saiya, asin ta parabalos sa magña naghahanap sa saiya.
7 Huli sa pagtubod si Noé, pacapagacó nin simbag dapit can magña bagay na day pa naquiquita, sa pagcatacot hinandá si Arca na dian macacaligtas si saiyang harong: huli can pagtubod na iyan sinalá an quinában, asin guinibong ó naguinibong parapanonod nin catanosan na iyo itong sa pagtubod.
8 Huli sa pagtubod si Abraham, na inapod, nagsonod sa pagpasiring duman sa lugar na cacamtan na bilang panonod; asin naglacao day mayó nin pacatalastas con sain siya papaduinan.
9 Huli can pagtubod nagontoc duman sa degá na ipinanugá siring sa siya duduman sa bacong rogaring na dagá, na nageroc duman sa magña camalig sageod qui Isaac asin qui Jacob, magña caibaban na magña parapanonod can panugang iyan man sana:
