638HEBREOS 9.
3 Sa licodan nin si icaduang tahob duduman si tabernáculo, na gñinagñaranan na Lugar na Camahalmahalan;
4 Na iyan igua nin sarong parenahan (incensario) na bulauan, asin si arca nin tipan na natatahuban sa gabos na parilibot nin bulauan; na dian namumugtac an sarong urnang bulauan na nalalágan nin si Maná, asin si Vara ni Aarón na siminangaya, patin si magña tablas nin tipan;
5 Asin sa ibabao niya si magña querubines na mamu̟rauay na ninatabob can altar nin pagcaugay; na dapit can magña bagay na iyan day maninigó gñunian na macapagtaram manogñod sa saró sanang cabtang,
6 Asin an magña bagay na ini na pinamugtac nin siring, duman sa enot a tabernáculo naglalaog guiraray si magña sacerdotes så pagguibo can magña atang nin pagsamba ó paglingcod;
7 Alagad dian sa icadua, iyo sanang saró au pontifice macasaró sa santaón, bacong day nin dugó, na iyan idinodolot niya man sana ó huli sa saiya man sana, asin huli can magña casálan sa day nin pacatalastas nin si banuáan:
8 Na nagpapatalastas digdi caíní an Espíritu Santo, na day pa nabubucasan si dalan pasiring sa santuario, cadto na si enot na tabernáculo nagtitindog pa.
9 Na iyan iyo si ladauan caitong panahon na nanogñod, na dian caiyan nagñagdodolot nin magña pagguiromdom asin magna atang na day mayó macacahimo nin husay sa paghonáhoná, sa naglilingcod sa sainda;
10 Na anan sanang anas na magña cacanon asin magña inomon, asin magña manlaenlaen na magña paghugas, asin magña pagcucuyugon dapit sa laman, na ibinugtac ó ilinagdá sagcod sa panahon nin pagsagüé.
11 Asin na nin si uya na si Cristo, pontífice nin magña carahayan na inadatong, dian sa labi cahiuas asin sangcap na tabernáculo, bacong guibo nin magña cannot, condi sa casayuran, bacong sa paglalang na ini;
12 Asin bacong huli sa dugó nin magña lalaquing canding ni sa magña becerros, condi huli sa saiyan rogaring na dugó,
