AN SURAT
NIN
APOSTOL SAN PABLO
SA MAGNA
HEBREOS.
CAPITULO I.
1 An Dios, pacapagtaram sa dayaday asin sa balaquid na magña paágui can sarong panahon sa magña caganúc sa gñosó nin si magña profetas ó manruruquiao,
2 Sa magña huring aldao na ini nagtaram sa satuya sa gñosó nin si Aquí, na íní guinibong parapanonod nin gabos na bagay, huli caiyan siring man sana linalang an bilog na quinában:
3 Na siya huli ta iyo an banáag nin saiyang camurauayan, asin an ladauan man sana nin si saiyang pagca Dios, asin na binubuhay an gabos na magña bagay can tataramon nin si sayiang cabagsican, pacaguiboha can capatauaran nin si satuyang inagña casálan huli sa saiya man sana, timinucao sa totoo nin Capangyarihan duman sa caoroitáasi.
4 Naguinibong labi ca-halangcao sa magña ángeles, nin siring can pacaabot sa pamana nin orog cahalangcao na gñaran qui sa sainda.
5 Huli ta ¿sa quiysay sa magña ángeles simninabi an Dios sagcod lamang: An sacuyang Aquí iyo ica, gñunian aco ipinagñaquí taca? asin sa liuat: Aco maguiguing Amá niya, asin siya maníni sa sacuyá sacong Aquí?
6 Asin sa liuat, can pagbugtacan can Matúang-áquí dian sa dagú nagsabi: Asin sambabon siya nin gabos na magña ángeles nin Dios.
