AN SURAT
NIN
APÓSTOL SAN PABLO
QUI
ISINURAT NI
FILEMON.
IYO SANANG CABTANG.
1 Si Pablo na bihag ni Jesucristo asin an tugang na si Timoteo sa qui Filemon na namomótan, asin cahinuang niamo;
2 Asin sa namomótan na si Apphia, patin sa qui Archípo, caibahan sa samuyang paglingcod, asin sa Iglesia na yaon sa saymong harong:
3 An biyayá mapa saindo asin an catoninogñan nin Dios na satuyang Amá, patin nin Cagurangnan na si Jesucristo.
4 Nagpapasalamat aco sa sacuyang Dios na nagguiguiromdom sa guiraray sa saymo sa sacuyang magña pagñadie.
5 Na nadagñog co si saymong pagcaherac, asin pagtubod mo dian qui Jesús na Cagurangnan, asin manogñod sa gabos na magña santos;
6 Tagñaning an paquinabang nin saymong pagtubod maguing mapangyari, dian sa pagmidbid can gabos na carahayan na yaon dian sa saindo, huli qui Cristo Jesús.
7 Huli ta igua caming daculang caogmahan asin caragñahan can saymong pagcaherac, na huli sa saymo, oh tugang, nagñag- caorogma si magña boot nin si magña santos.
8 Nin huli caiyan, minsan igua aco nin dacol na pagmauot dian qui Cristo sa pacapadara sa saymo can magcacanigó,
9 Naquiquimaherac aco sa saymo nin orog ca rahay huli sa
