II TIMOTEO 3 & 4.613
9 Alagad day sinda macacadaog ó macacapangyari; huli ta si saindang pagcaday nin boot mahahayag sa gabos, siring man nangyari sa sainda.
10 Alagad ica natalastasan mo si sacuyang doctrina ó pag- tocdó, pagadal, caisipan, pagtubod, cahalabaan nin boot, pag- caherac, pacatíos,
11 Magña casaquitan, magña pagmondó, na iyan an nang- yari sa sacuyá duman sa Antioquía, duman sa Iconio, duman sa Listra, con magña anong pasaquit ó iyan an magña pasaquit na tinios co; asin sa gabos na iyan ilinigtas aco nin Ĉagurangnan.
12 Asin man an gabos na magña boot mabuhay sa cabanalan dian qui Cristo Jesús, magtitíos nin pasaquit.
13 Alagad an magña maraot na magña tauo asin an magña madayá, mapapaduman sinda paghalé sa maraot pasiring sa orog caraot ó magoorog sa carátan, ta nagdadayá asin bágo dinadayaan man.
14 Alagad magpadagos ca dian sa nanódan mo asin nacasadol sa saymo, na naaaraman mo con siysay an nanódan mo: 15 Asin na magpoon sa pagcasadit na aquí mo nacasabot ca can magña mahal na Surat, na iyan macacapadonong sa saymo manognod sa carahayan huli can pagtubod na dian qui Cristo Jesús.
16 An bilog na Casuratan anan na pasabong nin Dios asin caipuhan sa pagtocdó, sa pagsiasat nin catanosan, sa pagsagué, sa pagpamugtac sa catanosan,
17 Tagñaning an tauo nin Dios maguing mahusay ó sangcap, sa gabos nacaadal nin marhay manogñod sa gabos na marhay na guibo.
1 Minamauot co nangayod sa atubagñan nin Dios, asin nin Cagurangnan na si Jesucristo, na maghohocom sa magña buhay pa asin sa magña gadana sa saiyang pagpahayag sa saiyang cahadéan,
2 Na ipaghulit mo an tataramon; na paguiromdomon mo na day pa an panahon asin bacong sa capanahonan; suhayon
