AN ICADUANG SURAT
NIN
APÓSTOL SAN PABLO
QUI
TIMOTEO.
CAPITULO I.
1 Si Pablo, na apóstol ni Jesucristo huli sa cabótan nin Dios, siring sa capanuguan nin buhay na yaon dian qui Cristo Jesús,
2 Sa qui Timoteo, na namomótan na úquí: An biyayá, an pagcaherac, patin an catoninogñan nin Dios na Amá patin ni Jesucristo Cagurangnan niato.
3 Nagpapasalamat aco sa Dios, na sa saiya naglilingcod aco magpoon sa sacuyang magña camaguragñan sa malinig na pagisip, na day mayó nin pagyotong nacacaguiromdom aco sa saymo sa sacuyang magña pamíbí sa bangui patin sa aldao;
4 Na nagmamauot acong mahiling taca, sa pagguiromdom co can saymong magña luhá, tagñaning mapanó nin caogmahan;
5 Na daradarahon sa pagguiromdom an pagtubod na bacong sa pagmalémalé na yaon sa saymo, na iyan naontoc na gñóna sa saymong guilayon na si Loida, asin sa saymong íná na si Eunice; asin nanunubod aco na sa saymo man.
6 Nin huli caiyan hinahatolan taca na paguimatahon mo an balaog nin Dios, na yaon sa saymo huli can pagbugtacan nin si sacuyang magña camot.
7 Háros ta day quita tinauan nin Dios can espíritu nin pagcatacot, condí can espíritu nin carigonan, asin nin pagcamoot, patín nin pagcamayocod.
