7 Maninigó man na magcaigua nin marhay na pagpatotoo sa magña ibang tauo, tagñaning day maholog sa camodahan asin sa siod nin diablo.
8 An magña diáconos siring man sana maninigó na magña matubís, bacong magna mapasaluib, bacong magña dayopot sa dacol na arac, bacong magña mamomóton sa magña dustang paquinabang;
9 Na rimposon an misterio ó saboton an misterio nin pagtubod sa malinig na honáhoná.
10 Asin ining magña ini man anan na pagñagbalóon gñóna; asin siring caiyan magñataman, con baga anan na mayó nin casálan.
11 An magña babae siring man sana, magña mabini, bacong magña parapacaraot, magña mayocod, magña maimbod sa anoman.
12 An magña diáconos maguing magña agom nin sarong babae, na pagñatamanon nin marhay an saindang magña áquí asin an saindang magña harong.
13 Huli ta si magña marhay an pagñagñataman naquiquinabang sa sainda man sana nin marhay na camugtacan, asin dacol na panaríg sa pagtubod na yaon dian qui Cristo Jesús.
14 Ini isinusurat co saymo sa paglaom na macacadian aco nin madalé sa saymo:
15 Asin con day maguing sa madalé, tagñaning macatalastas ca con baga paano an maninigó sa saymo sa paquiolay dian sa harong in Dios, na iyo an Iglesia nin buhay na Dios, harigue asin sinasarigan sa catotooban.
16 Asin day mayó nin capanuhayan, daculá nangayod an misterio nin pagcaherac: An Dios ipinahayag sa laman; pinatotoohan sa Espíritu; naquita nin si magna ángeles; ipinaghulit sa magña Gentiles; tinubod siya sa quinában; inacó siya sa camurauayan.
1 Alagad an Espíritu nagsasabi sa hayag, na sa inagña madatong na panahon an magña nagcacapirá magñagtatarali-
