1 Nagcuculang, magña tugang, na mamíbi camo huli sa samuyá, na an tataramon nin Cagurangnan macalacop asin pamurauayon nin siring man sana dian sa saindo:
2 Asin na iligtas quita sa magña tauo na mayó nin palad asin mararaot; háros ta bacong sa gabos an pagtubod,
3 Alagad maimbod nangayod an Cagurangnan, na paparigonon camo asin ililicay sa maraot.
4 Asin igua cami nin paniualá dapit sa saindo dian sa Cagurangnan, na guiniguibo nindo asin guiguibohon nindo itong ipinagboot niamo sa saindo.
5 Asin an Cagurangnan patanoson an saindong magña pusó dian sa pagcamoot sa Dios, asin dian sa pacatíos ni Cristo.
6 Alagad pinapatanidan niamo camo, magña tugang, sa pag-gñaran nin Cagurangnan tang Jesucristo, na homarayó camo sa gabos na tugang na naglalacao sa luás nin catanosan ó pagboot, asin day nacacasonó sa tocdó na quinamtan sa samuyá:
7 Háros camo man sana nacacatalastas con papáno an paágui na macaarog sa saunuya camo: huli ta day cami naglacao nin daing cahusayan dían sa saindo,
8 Day nangayod cami nacácacan nin tinapay nin siysay man na mayó nin bayad ó halaga; condi, na nagpapagal cami sa guibo asin sa paghigñahigña sa bangui asin sa aldao, huli ta gñaning day macagabat cami sa caysay paman sa saindo;
9 Bacong huli ta mayó cami nin capangyarihan, condí huli sa pagtao ó pagpahayag sa samuyá nin sarong arogan paghihiligñan, tagñaning magñagarog camo sa samuyú.
10 Háros ta minsan can didián cami sa caibahan nindo, pinagpatanid niamo iyan sa saindo: Na con an siysay man habó siya na magpagal, day man magcacan.
11 Huli ta nadagñog niamo na naglalacao an magña nagcacapira dian sa saindo sa luas can maninigó, na day nagpapagal sa anoman, condí naliligñá sa pagmamasid sana.
12 Asin sinda quinocolibat niamo asin naquiquimaherac cami huli qui Jesucristo Cagurangnan niato, na, con magpagal
