AN SURAT
NIN
APÓSTOL SAN PABLO
SA MAGNA
TAGA COLOSAS.
CAPITULO I.
1 Si Pablo, na apóstol ni Jesucristo huli sa cabótan nin Dios, asin an tugang na si Timoteo,
2 Sa magña santos asin magña maimbod na magña tugang dian qui Cristo na nasa Colosas: macamitan nindo an biyaya asin an catoninogñan nin Dios na satuyang Amá, asin ni Jesucristo Cagurangnan.
3 Nagpapasalamat cami sa Dios asin Amá nin Cagurangan tang Jesucristo, na naggñagñayó-gñayó cami sa guiraray huli sa saindo.
4 Pacadagñog niamo can saindong pagtubod dian qui Cristo Jesús, asin can pagcamoot nindo sa gabos na magña santos,
5 Dahelan can paglaom na tinatagama sa saindo sa calagñitan, na sa dapit caiyan nacadagñog-na camo huli can tataramon na catotoohan nin Evangelio:
6 Na iyan nacadatong sagcod dian sa saindo, siring man sa bilog na quinában; asin namumugña patin nagtotobó, siring man dian sa saindo, nagpoon can aldao na pagcadagnog nindo asin namidbiran nindo an biyaya nin Dios sa catotoohan,
7 Siring sa pacanood nindo sa qui Epafras, na samuyang cápua oripon na namomótan, na iyan sarong maotob na pinaniualaan ó may catongdan ni Cristo sa paquinabang nindo;
