dahel can pagtubod; asin ini bacong sa saindo, condi balaog iyan nin Dios:
9 Bacong huli sa magña guibo, tagñaning day nin siysay man na managsag.
10 Háros ta anan quitang magña ladauan niya, magna linalang dian qui Cristo Jesús manogñod sa magña marhay na magña guibo, na iyan an Dios inandam niya tagñaning maglacao quita dian.
11 Cayá, guiromdoma nindo na can sarong panahon camo si magña Gentiles dian sa laman, na pinag aapod camong day nagturi huli caiyan pinag-apod na pagturi, na guinibo nin camot dian sa laman;
12 Na can panahon na idto namumugtac camo na mayó nín Cristo, magña siblag sa catiriponan sa Israel, asin magña ibang tauo ó day mayó labot can tipan nin panugá, mayó nin paglaom, asin mayó nin Dios sa quínában.
13 Alagad gñunian dian qui Cristo Jesús, camo na can sarong panahon namumugtac sa harayó, naguinibó camong magña haranína huli can dugó ni Cristo.
14 Háros ta siya iyo an satuyang catoninogñan, na si dua naguibong saró, na guinabá si parel ó cotá na napapatagñá sa pagcasuhay;
15 Na pinapará sa saiyang laman an magña camorondoan, an ley nin magña togon manogñod sa magña caugaléan, sa pagpacarahay sa saiya man sana can dua sa sarong bagong tauo, na gomibo nin catoninogñan,
16 Asin maquigpaulí hulí can Crúz sa Dios caítong dua sa saró man sanang hauac, na gadanon sa saiya ó sa crúz an magna camorondoan.
17 Asin napadigdi, asin ipinagbalagñibog an catoninogñan sa saindo na nasa sa harayó, asin sa magña nasa sa harani:
18 Na huli sa saiya quita asin an magña iba igua quita nin tatá ó lalaogan sa saró man sanang Espíritu duman sa Amá.
19 Cayá na bacó na camong magña day calabot ó ibang tauo ni magña bagong datong, condi sa casararóan anan na magňa tagabanuaan (ó ciudadanos) sa caiba nin magña santos asin magna tagaharong nin Dios;
