asin dagñan magcacamit can saiyang camurauayan sana manognod sa saiya man sana, asin bacong sa iba.
5 Háros ta an lambang saró dadarahon niya an saiyang cagabatan.
6 Asin itong tinocdoan dian sa tataramon, paquinabagon sa gabos na magña carahayan itong nagtotocdó caiyan.
7 Day camo magdayá sa saindo man sana: An Dios day mapagologolog na an gabos na ipagsasabuag nin tauo, iyan man sana aanihon niya.
8 Háros ta itong nagsasabuag manogñod sa saiyang laman, dian sa laman magaáni nin pagcatunao; alagad itong nagsasabuag manogñod sa Espíritu, dian sa Espíritu maáni nin daing catapusan na pagcabubay.
9 Day nangayod quita mapagal sa pagguibo nin carahayan; ta sa capanahonan caiyan magaáni quita, con baga sa calé day quita nalonosan.
10 Cayá na mantá na igua pa quita nin panahon, gomibo quita nin marhay sa gabos, asin orog pang gayo sa magña madayopot sa pagtubod.
11 Hiligña nindo con sa guráno ca daraculang letra sinuratan co camo sa sacuyang rogaring na camot.
12 An gabos na boot magpasonó dian sa hauac ó sa laman, sinda pinipirit camo na magpaturi camo, sa day sana pagtíos nin pasaquit huli can cruz ni Cristo.
13 Háros ta minsan gñani si magña nagpapaturi man sana day nagootob can ley; condi na boot ninda na camo anan na pagturion ó magpaturi, gñaning macapagpamurauay sinda sa saindong laman.
14 Alagad harayó nangayod sa sacuyá na magpamurauay aco sa sacó man sana, condi dian sa Crúz ni Jesucristo Cagurangnan niato na huli sa saiya an quinában bagú sa sacuyá ipinadupa sa crúz, asin aco sa quinában.
15 Háros ta dian qui Cristo Jesús, minsan an pagturi day nin anoman na halaga, minsan an day pagpaturi, condi si bagong linalang ó áquí.
16 Asin an gabos na maglacao na sonó sa togon na ini ó
