sa pagcabuhay. Asin sa magña bagay na ini, ¿siysay an maninigó na?
17 Háros ta bacó caming siring, can magña cadaclan, anan na magña paratienda ó parabalidyá na bacong tunay can tataramon nin Dios: condi sa caloocan, siring sa balé sa Dios, sa atubagñan nin Dios, nagtataram cami dian cay Cristo.
1 Magpópoon baga cami sa liuat na magomao sa samuyá man sana? ¿ó may caipuhan cami, siring can nagcacapira, nin magña letras ó surat na maguing togon manogñod sa saindo, ó sa catogonan dapit sa saindo?
2. An samuyang magña letra ó surat iyong gayo camo, na nasusurat sa samuyang magña pusó, talastas asin nabasa nin gabos na magña tauo;
3 Háros ta napapahayag na anan camo na iyo an letra ó surat ni Cristo na ipinaniualá ó pinagñagñataman niamo, isinurat bacong tinta, condi sa Espíritu nin buhay na Dios; bacong sa magna tablang gapó, condi sa magña tabla nin laman nin puso.
4 Asin an siring na panarig igua cami huli cay Cristo manognod sa Dios.
5 Bacó ta cami anan na magña igó na sa samuya man sana sa paca paghonáhoná nin tibaad na siring sa sadiri niamo man sana, condi na an samuyang caigoan, rogaring iyan nin Dios;
6 Na siya sa saiya man sana guinibo caming magña maninigong may catongdan can sarong bagong tipan: bacong sa letra, condi sa espíritu; huli ta an letra nacacagadan, alagad an espíritu nacacabuhay.
7 Asin con an catongdan nin cagadanon dian sa letra na naguguhit sa magña gapó, naguing may camurauayan, malá tá si magña aqui ni Israel day iquinatotoroboc ninda si magña matá sa lauog ni Moisés dahelan can camurauayan nin si saiyang lalaugon, na iyan matutunao sana,
8 ¿Paano ta bacong orogpa na may camurauayan an catongdan nin espíritu?
