17 Cayá na, sa pagmauot caini, ¿naguinibo co baga sa capadaléan? ó an pinag-iisip cong guibohon, ¿ini-isip co iyan siring sa laman, tagñaning magca-igua sa sacuyá nin pag-Ohó asin pagpa-Day?
18 Day, condi an Dios maimbod nacacaaram na si samuyang tataramon manogňod sa saindo bacong Ohó asin Day.
19 Háros ta an áquí nin Dios, si Jesucristo, na ipinaghulit niamo dian sa saindo, aco, asin si Silvano, patin si Timoteo bacó na Ohó asin Day; condi pag Ohó dian sa saiya.
20 Háros ta an gabos na magña panugá nin Dios anan na magña dian sa Saiya Ohó, asin sa Saiya Auot pa, huli sa samuyá sa camurauayan nin Dios.
21 Asin si nagparigon sa samuyá sagcod sa saindo dian cay Cristo, asin si naglahid sa samuyá, iyo an Dios;
22 Na siya man tinandáan cami asin timinao can sangrá nin Espíritu sa samuyang magña pusó.
23 Alagad aco inaapod co an Dios na maguing sacsi dapit can sacuyang calag, na huli ta sa pagcaugay co sa saindo day pa aco nacaágui sa Corinto.
24 Bacó na, mangyayari camí can saindong pagtubod, condi anan caming magña paratabang sa saindong caogmahan huli ta dahel can pagtubod nagñagdadanay camo.
1 Ini nangayod an naisipan co sa sacuyá man sana, na day na sa liuat pomadian sa saindo na magmondó.
2 Háros ta con aco pinagpapamondó co camo, ¿siysay gñapit an mapaogma sa sacuyá, condi ito na siya pinamondó co?
3 Asin ini man sana sinuratan co camo, háros tagñaning con domatong aco day aco nin camondoan na pagtioson sa magña maninigong pagogmahan co; sa paglaom ó paniualá sa saindo gabos na an sacuyang caogmahan iyo an caogmaban nindo gabos.
4 Háros ta dahel sa balaquid na casaquitan asin capaitan nin pusó sinuratan co camo sa balaquid na magña luhá; bacó
